It(em) wouter uuten lyemi(n)gen de jonge is comen in jegenwordicheit der scepene(n) van/ loeve(n) gestaen [en(de)] heeft genome(n) en(de) bekendt dat hi genome(n) heeft van m(ijnre) vrouwen/ der abdissen des godshuys van meeghdendale bi lynthre de thiende te weterbeke/ toebehoirende den voirs(creven) godhuyse gelijc tselve godshuys die [aldair] houdende is te/ houde(n) en(de) te hebben van den dage van heeden eene(n) t(er)mijn van ses jae(re)n lanc/ deen na dander staphands sonder middel volgende elx jaers daerenbynne(n) om/ xv mudde rogs [evenen] goit en(de) payabel met wanne en(de) met vlogele wael bereyt d(er)/ mate(n) van loeven(e) te sente andries misse apostels te betalen en(de) [in] des voirs(creven) wouters/ huys te wet(er)beke te leve(re)n alle jae(re) den voirs(creven) t(er)mijn duerende en(de) telke(n) t(er)mine/ alse vervolghde schout hier af is burge des voirs(creven) wout(er)s als principael scul(dere)/ henric bruekelma(n) van loeve(n)joel den welke(n) de selve wout(er) heeft geloeft hier/ af scadeloes te ontheffen borch(oven) oppend(orp) maii xvi