It(em) mathijs de witte van rotselaer in jegenwordicheyt d(er) scepen(en)/ va(n) loeve(n) gestaen heeft genome(n) en(de) bekent dat hi genome(n) heeft van/ h(ere)nwencelijn ts(er)claes ridde(r) nut(er)tijt burg(er)meest(er) van bruessel thof/ des selfs herwencelijns gehete(n) wyneghem mette(n) huyse(n) hove(n)/ wy(n)nende lande en(de) bute(n) lande en(de) mette(n) beemde(n) en(de) eeuselen/ tot de(n) selve(n) hove horende Te houde(n) te hebbe(n) en(de) te wynne(n)/ van half meye lest lede(n) ene(n) t(er)mijn van nege(n) jae(re)n lanc/ deen na dand(er) d(aer) na sond(er) myddel volgende elx jaers/ dats te wete(n) de voirs(creven) wynnende lande te wete(n) is dbloc/ en(de) dlant voir thof om xxiiii mudde rogs en(de) x mudde/ evene(n) beyde goet en(de) payabel m(et) wanne en(de) met vede(re)n wael/ bereydt d(er) mate(n) van loeve(n) en(de) dbuten lant tot de(n) vors(creven) hove [hore(n)de]
//
om xv mudde core(n)s half tarwe en(de) half rogghe oec/ goet en(de) payabel [pacht van erpse] d(er) mate(n) van loeve(n) ts(ente) andries misse apostels/ te betale(n) en(de) int voirs(creven) ho tot bruessel of tot loeve(n) daert/ de(n) voirs(creven) h(ere)nwencelijn best genuege(n) sal te leve(re)n alle jae(re) de(n)/ voirs(creven) t(er)mijn duerende en(de) telke(n) t(er)mijn alse v(er)volghde schout/ It(em) is vorw(er)de dat de voirs(creven) mathijs gheen bute(n) lant meste(n)/ en sal met e(n)nige(n) mest dat int tvoirs(creven) hof gemaect sal w(er)de(n)/ Voert sal gheve(n) de(n) voirs(creven) mathijs vande(n) eeusel acht(er) thof gelege(n)/ streckende tot de(n) lange(n) eeusel x hollantsche gulde(n) te/ wete(n) xxxiii pl(e)c(ken) voe(r) elke(n) gul(den) gerekent Ite(m) voe(r) de(n) beemdt/ die dair int voirs(creven) eeusel gelege(n) is en(de) gelijc hi dae(r) uut/ vermaect is xvi [simpel] mottoene burse gelt Ite(m) vande(n) eeusel/ gehete(n) de waelweyn en(de) vande(n) brymdeeusel xviii simpel/ mottoene alle drie so(m)me(n) voirscr(even) ts(en)te m(er)tens misse inden/ wynt(er) te betale(n) alle jae(re) de(n) voirs(creven) t(er)mijn duer(ende) q(uo)l(ibet) ass(ecutum) Ite(m)/ alle doeft dat opte(n) voirs(creven) goede jaerlex wassen sal sele(n) de voirs(creven)/ h(er)wencelijn en(de) mathijs deyle(n) en(de) hebbe(n) half en(de) half uutgenome(n)/ ene(n) perre die de selve h(er)wencelijn alleen uut behoude(n) sal Ite(m) sal/ de voirs(creven) mathijs de huysinghe aldair houden [en(de) die te(n) eynde vande(n) vors(creven) t(er)mijn late(n)] also si hem gelevert/ sijn en(de) dat si wat(er) en(de) wijnt weeren Ite(m) sal de voirs(creven) mathijs jaerlix/ hie(re)n bynne(n) sette(n) opte voirs(creven) goede vijftich poten It(em) mach de selve/ mathijs sijn berni(n)ghe nemen aende truncboem en(de) haghen ald(aer) ter/ minster scaden En(de) so wair dair e(n)nighe willighe verdroeghde/ die mach de voirs(creven) mathijs afhoude afhouwen en(de) voe(r) elke twe/ poten wed(er) sette(n) It(em) sal de voirs(creven) mathijs de goe lande laten/ ten uutgaen vande(n) voirs(creven) t(er)mijn gelijc hier na volght te/ wete(n) de(n) aert aen tvoirs(creven) hof gelege(n) houdende omtrent seve(n)/ boend(er) en(de) een half m(et) wynt(er)core(n) besayt op iiii tideghe vore(n)/ It(em) op tselve velt seven boend(er) m(et) som(er)core(n) [evenen] besayt op/ ii tideghe vore(n) It(em) noch op tselve velt acht boend(er) brake(n)/ ii werf o(m)megedaen Ite(m) opt [opt] velt acht(er) moens van haenwijc/ xiii dachmael lants in twee stucke(n) gelege(n) met wynt(er)core(n)
//
besayt met sine(n) tidege vore(n) Ite(m) vierdalf dachmael lants met/ tarwe(n) besayt [oec] op sijn tidege(n) vore(n) gelege(n) acht(er) de goede wout(er) bried(er)s/ Ite(m) opt velt gelege(n) bove(n) de goede gielijs van wijchmael iii dach/ mael lants met evene(n) besayt Ite(m) aen deyxke(n) een boend(er) lants m(et)/ evene(n) besayt Ite(m) nopt dairschot and(er)half boend(er) lants in twee/ stucke(n) gelege(n) brake eens o(m)me gedaen Ite(m) sal de voirs(creven) mathijs de voirs(creven)/ bute(n) lande wel en(de) loflic wynne(n) en(de) w(er)ve(n) gelijc sine(n) reengenote(n)/ bove(n) en(de) benede(n) Item sal de selve mathijs de voirs(creven) goede wael en(de) loffelic/ beheymt en(de) gevreedt late(n) gelijc ten eynde van sine(n) t(er)mijn gelijc hij die tot/ sinen aencome(n) vonden heeft Item waert also dat den voirs(creven) h(ere)nwencelijn ge/ nueghde voe(r) tvoirs(creven) core vanden voirs(creven) mathijse e(n)nighe corweyde(n) gedaen te hebbe(n)/ dat de selve mathijs hem die doen sal mer dat sal den selve(n) mathijse afslach/ doen [in redelicheyde(n)] vanden voirs(creven) pachte te leve(re)n nade gelande gelijc voirgescr(even) steet Item/ sal de voirs(creven) mathijs den voirs(creven) wencelijn in sijn hof aldaer vue(re)n thoy vanden/ grote(n) beemde en(de) alle dmest dat int voirs(creven) hof gemaect sal werden/ sal de voirs(creven) mathijs vue(re)n opt bloc van wyneghem oft opt lant voe(r) thof/ daer des meest te doen sal sijn [En(de) oft me(n) e(n)nich mest coept tot de(n) bute(n) lande ald(aer) d(aer) af sal h(er) wencelijn tderdel en(de) de voirs(creven) mathijs de twee deel betale(n) en(de) de selve mathijs sal dat opt lant vue(re)n en(de) halen] Item sal de voirs(creven) mathijs de beke aldaer/ ten behoirlike(n) tide veghen en(de) ruyme(n) Item sal de selve mathijs opten wijng(ar)t/ aldair des voirs(creven) h(ere)nwencelijns vue(re)n de wijng(ar)t stake(n) en(de) dmest gelijc de/ selve h(er)wencelijn dat copen sal en(de) daer toe sal hij den wijn [d(aer)af] vue(re)n int hof en(de)/ voirt inde perse als des te doen sijn sal Item sal elc vande(n) voirs(creven) h(ere)nwencelijn/ en(de) mathijse tallen drie jae(re)n moghen sceyde(n) mer de ghene die also sceyde(n)/ wilt sal dat den ande(re)n een jae(re) te voe(re)n late(n) wete(n) It(em) En(de) alle dese vorw(er)d(en)/ en(de) geloefte(n) etc(etera) hebben [heeft] geloeft de voirs(creven) mathijs de witte den voirs(creven) h(ere)n wen/ celijn vast en(de) gestentich te houde(n) en(de) te voldoen talle(n) tijde(n) als sij vallen/ en(de) verschine(n) sulle(n) en(de) telke(n) t(er)mijn als vervolghde schout Hier af sijn/ burghen des voirs(creven) mathijs als principael sculde(re)n ongesundert en(de) onghe/ sceyde(n) v gheert en(de) jan de witte sijn bruede(re)n vranc de witte hue(r)/ neve en(de) henric van dieve die welke de voirs(creven) mathijs heeft geloeft/ hier af scadeloes en(de) co(m)merloes tontheffene g(ra)ve(n) ouder(ogghe) febr(uarii) xxv