SAL7721, Act: R°180.1 (107 of 208)
Search Act
previous | next
Act R°180.1  
Act

Transcription

2020-05-18 by kristiaan magnus
Cond zij allen liede(n) dat jan levenstoc en(de) gheert karijs in jegenwordicheit d(er)/
scepen(en) va(n) loeven(e) gestae(n) hebbe(n) genome(n) en(de) bekendt dat si genome(n) hebbe(n) van godfroit van/
daules he(re) van gentinez en(de) va(n) lysemeel de goede hier na bescreve(n) gelege(n) tot atte(n)hove(n)/
inde p(ro)chie van holsbeke Inden yerste(n) een stuck lants gehete(n) de vijfdachmael gelege(n)/
neve(n) maelcote opt lancvelt Ite(m) een stuck lants gelege(n) aende mispele(re)n opt tvoirs(creven)/
lancvelt Ite(m) een stuck lants gelege(n) ond(er) dbosch van nethene(n) bove(n) de heerstrate gaende/
te holsbeke w(er)t Ite(m) de helecht van drie boende(re)n lants gelege(n) benede(n) de h(er)strate ond(er)/
dlant voirscr(even) Te houde(n) te hebbe(n) en(de) te wynne(n) van sente jans misse bap(tis)[te(n)] dat was/
int jair ons he(re)n m cccc en(de) xxvi ene(n) t(er)mijn van ix jae(re)n lanc deen na dand(er)/
sond(er) myddel volgende elx jaers daer en bynne(n) om xx(½) mudde rogs goit en(de)/
payabel met wanne en(de) m(et) vede(re)n wail bereydt der maten van loeve(n) te sente andries/
misse apostels te betale(n) en(de) te loeven te levere(n) de(n) voirs(creven) godfroit oft en(de) janne/
van vertrike oft de(n) ene(n) van hen brenge(r) des briefs alle jae(re) de(n) voirs(creven) t(er)mijn/
duerende en(de) telke(n) t(er)mine alse v(er)volghde schout En(de) is vorwerde dat de voirs(creven)/
wynne(n) de voirs(creven) lande laten sele(n) te hae(re)n afscheide(n) gelijc hier na volght te wete(n)/
tstuck lants bi maelcote gelege(n) met rogge besayt op sijn getidige vore(n) en(de) dair/
op oec neghen schatvoeder mests gevuert hebbe(n) Dander stuck lants aende/
mispele(re)n gelege(n) oec met rogge besayt op sijn getidige vore(n) en(de) ongemest Tderde/
stuck lants ond(er) dbosch van nethene(n) gelege(n) te wete(n) iii boende(r) d(aer) af luttel min/
oft meer met evene(n) besayt op ii voeren en(de) dander lant daer ov(er) lopende/
met rogge besayt op ii voren en(de) op dat selve lant dat met rogghe besayt sal zijn/
selen si opt voirs(creven) leste jae(r) xiii(½) botvoeder mests gevuert hebbe(n) En(de) de helecht/
vanden voirs(creven) iii boende(re)n lants benede(n) de strate en(de) jege(n) tvoirs(creven) lant gelege(n) selen zij/
brake laten op ii voren en(de) si en selen oec engheen vande(n) vande(n) voirs(creven) stucke(n)/
lants bynne(n) den lesten drie jae(re)n vande(n) voirs(creven) t(er)mijn moge(n) hoervruchte(n) Ite(m)/
noch sele(n) sij te hae(re)n afscheyde(n) ter eect in een messie laten x botvoed(er)/
mests tot behouf des voirs(creven) godfroits van daulez cor(am) rike lomb(ar)t ja(nuarii) xv
ContributorsKarel Embrechts
Moderated byKarel Embrechts
Last update: 2012-08-30 by Sabrina Keyaerts