It(em) peter van ghinderbove(n) diemen [heet] vander beke in jegenwordicheit der scepen(en) van loeven(e)/ gestaen heeft gegeven en(de) bekindt dat hij gegeve(n) heeft gielijse strobant willeme stro/ bant sine(n) sone en(de) janne strobant bruder des selfs peters gielijs de goede hier/ na gescreve(n) gelege(n) te nosseghem en(de) daer omtrint Inden yersten drie vier dachmale/ en(de) een half lands gelege(n) neve(n) jacobs cup(er)s lands Item drie dachmale en(de) een half/ lands gelege(n) aende stappe Item neghen dachmale lands geleghen aldair tussche(n)/ de goede sgodshuys van gruenendale en(de) de goede der kerken van nosseghem Item/ drie dachmale lands gelege(n) opt hosvelt neve(n) de goede sgodshuys van lielie(n)dale/ Item een half boend(er) lands gelege(n) neve(n) de goede sgodshuys vanden wittevrouwen/ te bruessel Item vijftalf dachmale lands gelege(n) aende willighen neve(n) de goede/ des begijnhoefs vande(n) wijng(ar)de te bruessel Item vierdalf dachmale lands gelege(n)/ aldair neve(n) die vande(n) wijng(ar)de Item vierdalfboender lands gelege(n) inde/ kerssdelle neve(n) dlant sgodshuys van vorst Item iiii boender lands gelege(n)/ inde ghijskens delle neve(n) de goede sgodshuys van cortenb(er)ghe It(em) iii dachmale/ lands gelege(n) aldair neve(n) de goede sgodshuys van cortenb(er)ghe Item een dachmale/ lands gelegen neve(n) die humelgemsche haghe Item iiii boender lands gelegen/ aende hondeyke neve(n) de goede sgodshuys van cortenb(er)ge It(em) een half boender/ lands gelege(n) opt selve velt neve(n) de goede des voirs(creven) godshuys van cortenb(er)ghe/ It(em) iii dachmale lands gelege(n) aldair opt selve velt It(em) een half boend(er) lands/ gelege(n) aen hazewynkel neve(n) dlant h(er)everarts wilen boets ridders welke goede/ te gader houdende sijn inde mate xxi boender iii dachmale Te houden te hebbe(n)/ en(de) te wynne(n) van half meye naist comende eene(n) t(er)mijn van iiii jae(re)n lanc/ deen na dander sonder middel volghende elx jairs daerenbynne(n) te weten elc/ boender vanden voirs(creven) lande om een mudde rogs goit en(de) payabel met wanne/ en(de) met vloghele wael bereit der maten van bruessel te kersmisse te betalen/ en(de) te loeven(e) te bruessel of te mechelen te leve(re)n daert den voirs(creven) pete(r) best/ ghenuegen sal alle jae(re) den voirs(creven) t(er)mijn duerende en(de) telken t(er)mijn als ver/ volghde schout En(de) es vorwerde dat de voirs(creven) wynne(n) bynne(n) den voirs(creven)/ t(er)mijn alle de voirs(creven) lande alsoe gemest sullen hebben datme(n) ten eynde vande(n)/ selve(n) t(er)mijn clairlic bevijnden sal big biden ghene(n) die hen des verstaen sullen/ dat de voirs(creven) lande bynne(n) den xii jae(re)n alsdan naest leden sijnde tweewerf/ wel en(de) loffelic overmest sullen sijn geweest en(de) dat sullen de selve/ wynne(n) ten eynde vanden voirs(creven) t(er)mijn met goeder wittig(er) waerheit bibringe(n)/ Daerenbove(n) sullen noch de voirs(creven) wynne(n) hue(re)n t(er)mijn overleden sijnde seve(n)/ dachmale vande(n) vierdalve(n) boender inde kersdelle gelege(n) eens wael en(de)/ loffelic overmesten/ / It(em) noch es vorwerde dat de voirs(creven) wynne(n) de voirs(creven) lande late(n) sullen te hue(re)n/ afscheyden gelijc hier na volght Te weten iiii(½) dachmale gelege(n) neve(n) jacobs/ cup(er)s lant en(de) iii(½) dachmale lands gelege(n) aende stappe met wynt(er)coren/ besait op zijn getidege voe(re)n Item iiii boender opte ghijskensdelle en(de) iii dach(mael)/ lands dair bi gelege(n) en(de) een dachmale lands gelege(n) neve(n) de humelghemsche/ haghe vierdalf boender gelege(n) inde kersdelle iiii(½) dachmale aende willige(n)/ iii(½) dachmale opt selve velt bove(n) de willige(n) gelege(n) en(de) een half buender/ lands neve(n) der wittenvrouwen van bruessel gelegen alle brake eens om/ geerijt Item iiii boender lands gelege(n) aende hondeyke een half boender/ opt selve velt iii dachmale opt selve velt al neve(n) sgodshuys lant van/ cortenb(er)ge gelege(n) en(de) thalve boender lands aen hasewinkel gelegen al/ met evene(n) besait op ii voeren En(de) alle dese vorwerde(n) (et)c(etera) cor(am) lombart/ borchove(n) iunior maii iiii