SAL7721, Act: V°230.3-R°231.1 (133 of 207)
Search Act
previous | next
Act V°230.3-R°231.1  
Act

Transcription

2020-08-29 by kristiaan magnus
It(em) gielijs van lynt van grymb(er)ge(n) in jegenwordich(eit) der scepen(en) van loeven(e)/
gestaen heeft genome(n) en(de) bekindt dat hij genome(n) heeft van janne van/
heve(re)n thof en(de) goet van sceplaken mette(n) huysen hoeve(n) wynnende(n) landen/
beemden en(de) eeuselen met sine(n) toebehoirte(n) gelijc de selve jan van heve(re)n/
die van janne van weterbek daneel
de selve jan van heve(re)n die [goede van] janne de/
pape van wet(er)beke in pachtinge(n) genome(n) heeft Te houde(n) te hebben en(de)/
te wynne(n) van halfmeye naist comende eene(n) t(er)mijn van neghen jae(re)n/
lanc deen na dander staphands sonder middel volgende Te weten de/
voirs(creven) wynnende lande om vijfen(de)veertich zacke rogs vierthien zack/
tarwen xii sack gersten eene(n) halve(n) sac erwite(n) en(de) eene(n) halve(n) zack/
raepsaeds al goit en(de) payabel der mate(n) van bruessel altoes tsent andries/
misse apostels vallende en(de) te kersmisse te betale(n) en(de) te bruessel te leve(re)n/
alle jae(re) den voirs(creven) t(er)mijn due(rende) ende telke(n) t(er)mijn als vervolghde schout/
En(de) de voirs(creven) beemde en(de) eeusele om xxxii ouder schilde te [wete(n)] lviii pl(acken)/
voe(r) elke(n) oude(n) schilt gerekent half te sentjansmisse bap(tis)[te(n)] en(de) half/
/ te kersmisse te betalen den voirs(creven) t(er)mijn duerende en(de) telken t(er)mijn als v(er)volghde/
schout Oic sal de voirs(creven) gielijs jairlix den voirs(creven) t(er)mijn duerende geve(n) den/
voirs(creven) janne van heve(re)n xx pond bote(re)n te halfmey te betale(n) den voirs(creven) t(er)mijn/
dueren(de)
en(de) telke(n) t(er)mijn (et)c(etera) Item sal de voirs(creven) gielijs den voirs(creven) janne van/
heve(re)n jairlix hie(re)nbynne(n) zaeyen ii zist(er) lijnzaets mer de selve jan van heve(re)n/
sal den zaet daer toe leve(re)n Ite(m) sal de voirs(creven) gielijs op dleste jae(r)/
vande(n) voirs(creven) t(er)mine make(n) ene(n) nuwe(n) thuyn van aent bekene tot aen/
tpedeken daer men gheet tot heynbeke w(er)t en(de) den bogart tot/
twee siden wel en(de) loflic omluke(n) Ite(m) sal noch de voirs(creven) gielijs/
opt leste [jae(r)] vande(n) voirs(creven) t(er)mijn hondert roeden rijten ruymen Ite(m)/
so waer daer op de voirs(creven) goede e(n)nighe(n) boem v(er)droeghde die/
sal de voirs(creven) gielijs hebbe(n) en(de) daer voe(r) vande(n) selve(n) aerde ii/
poten wed(er)setten Ite(m) sal de voirs(creven) gielijs de huysinghe ald(aer) redelic/
houden van wande en(de) van dake uutgenome(n) van nuw(er) ty(m)meringe(n)/
van latten en(de) van latyser en(de) gevielt also datme(n) daer yet maecte/
va(n) nuwe(n) werke dair af sal de voirs(creven) gielijs te mael ongehoude(n)/
sijn It(em) sal de voirs(creven) gielijs te(n) eynde vande(n) voirs(creven) t(er)mijne laten/
tgoet beloken wel en(de) loflic van aen dbloc tot aende rijt vande(n)/
maybeemde Voert sal de voirs(creven) gielijs ten eynde vande(n) voirs(creven)/
t(er)mijn thien boende(r) wynt(er)corens ond(er) tarwe en(de) rogghe wael be/
dreven en(de) besayt late(n) en(de) vierthien boende(r) zom(er)corens oec wal/
bed[ri]ven en(de) besayt laten beyde op sijn tideghe voren daer ond(er)/
de selve gielijs late(n) sal besaeyt ene(n) halve(n) sack erwite(n) en(de)/
ene(n) halven sack vitsen En(de) dand(er) wynnende lant sal/
de voirs(creven) gielijs brake laten eens o(m)megedaen en(de) des gelijx sal/
de selve gielijs te(n) afscheyde(n) vande(n) voirs(creven) t(er)mijn de eeusele laten/
ongheett En(de) alle dese vorw(er)de(n) gelufte(n) en(de) cond(icien) voirs(creven) heeft [hebbe(n)]/
gelooft de voirs(creven) jan en(de) gielijs deen ande(re)n tallen tide(n) als si/
valle(n) en(de) v(er)schinen sele(n) wel en(de) volcomelic te voldoen en(de) telke(n)/
t(er)mijn alse v(er)volghde schout En(de) hier af is borghe des vors(creven)/
gielijs als p(ri)n(cipa)[le] sculd(er) ongesund(er)t en(de) ongescheyde(n) boudewijn/
van lynt sijn vader den welke(n) de voris(creven) gielijs heeft geloeft/
hier af scadeloes en(de) co(m)merloes te houde(n) en(de) tontheffen abs(oloens)/
vroede m(ar)tii s(ecunda)
ContributorsKarel Embrechts
Moderated bykristiaan magnus
Last update: 2012-08-31 by Sabrina Keyaerts