It(em) lybrecht wolfs van sente peters vessenake heeft in jegenwordich(eit)/ der scepen(en) van loeven(e) gestaen heeft genome(n) en(de) bekindt dat hij genome(n)/ heeft van janne taelman [sone mychiels wilen taelman] van sente peters vessenake thof te wals/ berghe in huysen hoeven wynnende(n) lande(n) beemden en(de) eeuselen met/ hue(re)n toebehoiren gelege(n) inde prochien van zittert van sent jans gheest/ van sente marien gheest en(de) dairomtrint uutgenome(n) de beemde also/ verre als die inde prochie van sente mariengheest gelege(n) sijn gelijc/ de voirs(creven) jan taelman de voirs(creven) goede van henrike van walsberghe/ ghenome(n) heeft Te houden te hebben en(de) te wynne(n) van opte(n) dach/ van hede(n) eene(n) t(er)mijn van vier jae(re)n lanc deen na dander sonder middel/ volgende elx jairs dairenbynne(n) te weten(e) de voirs(creven) wynnende lande/ houdende xxi boender en(de) een dachmale elc boender dair af om twee/ mudde corens dair af sijn sulle(n) de xii mudde weysinc alsulken als/ bynne(n) der prochien van zittert wassen sal met wanne en(de) met vlogele/ / wael bereyt der mate(n) van loeven(e) en(de) alle dander tarwe der mate(n) voirs(creven) te/ sent andries misse apostels te betalen en(de) int voirs(creven) hof te leve(re)n den voirs(creven) janne/ taelma(n) henrike ve(re)nyden pete(re)n lymburghs en(de) janne daners oic van vessenake/ of den eene(n) van hen bring(er) des briefs alle jair den voirs(creven) t(er)mijn duerende en(de)/ telken t(er)mijn als vervolghde schout ende de voirs(creven) beemde en(de) eeusele om/ twintich gripen te weten xl placke(n) voe(r) de grype gerekent te sent remeys/ misse te betale(n) oic den voirs(creven) p(er)sone(n) of den eene(n) van hen en(de) telke(n) t(er)mijn als/ vervolghde schout En(de) is vorwerde dat de voirs(creven) wynne jairlix int voirs(creven)/ hof leve(re)n sal iiii[c] walme(re) goit en(de) cusbair om de husinge dair mede te decken(e)/ en(de) waert also datme(n) aen de selve husinge van nuwe decke(n) moest dair/ af soude(n) de voirs(creven) p(er)sone(n) beyde van montcost en(de) dachue(re)n ongehoude(n) sijn mer/ waert also datme(n) dair onder stake soe soude de voirs(creven) wynne den montcost/ geve(n) en(de) de voirs(creven) iiii persone de dachue(re)n It(em) sal de voirs(creven) wynne den/ voirs(creven) iiii p(er)sone(n) alle jae(re) voirs(creven) een voeder coelen halen met sine(n) geswi/ gespanne de welke men den selve(n) wynne opte cuyle sal leve(re)n en(de) quite(n)/ en(de) dair toe sal hij den selve(n) iiii persone(n) jairlix twee corweyde(n) te loeven(e)/ doen met sine(n) waghene(n) en(de) peerde(n) It(em) sal de voirs(creven) wynne den voirs(creven)/ iiii persone(n) alle alle jair voirs(creven) den wijn henrix van walschberge aldair/ vue(re)n int voirs(creven) hof en(de) des gelijx oic de wijng(ar)tstaken uut den hove tot inde(n)/ wijngart en(de) dair voir sal de voirs(creven) wynne jairlix doude stake(n) hebben/ Item sal de voirs(creven) wynne jairlix den voirs(creven) iiii persone(n) zaeyen een halster/ lijnzaets gelijc hem selve(n) dair toe men hem den zaet leve(re)n sal Item sal de/ voirs(creven) [wynne] de husinge vander nederster rikelen nederwart houde(n) op sine(n) cost/ also dat sijn beesten die niet en braeken en(de) des gelijx sal hij de beemde houde(n)/ van grechte(n) gelijc hij die vonde(n) heeft Item alse van eene(n) halve(n) boend(er)/ lands of dairomtrint dat dair gebroke(n) is en(de) men voirt breken sal is/ vorwerde dat de wynne dair af ten leste(n) jair tsaetcoren en(de) dwyngelt/ wederhebben sal Item sal de voirs(creven) wynne den voirs(creven) t(er)mijn duerende vuede(n)/ den knaep dien henric van walschberge int voirs(creven) hof zeynde(n) sal Item noch/ es vorwerde datmen opt lest jair vande(n) voirs(creven) t(er)mijn op sent jorijs dach/ tcoren opte voirs(creven) lande staende schatte(n) sal t(er) goeder knape(n) prise en(de) so/ waer tcoren dan beter vonde dant de voirs(creven) wynne vant te sine(n) aencome(n)/ dair af sal de wynne doverbate hebbe(n) mer so wair tcoren arger vonde(n)/ worde dat soude de wynne den voirs(creven) iiii p(er)sone(n) oprichte(n) ten prise van/ goede(n) knaepe(n) Item sal de voirs(creven) wynne allet stroe vande(n) voirs(creven) goede(n)/ comende int voirs(creven) hof bringe(n) en(de) mest dair af make(n) en(de) dat weder/ / opt voirs(creven) lant vueren slands meeste(n) profite En(de) alle dese vorwerden/ hier af sijn burge(n) des voirs(creven) lybrechs wolfs als principale sculde(re)n/ ongesundert en(de) ongescheyden