Item alse vanden stoet die is tusschen h(ere)n janne ghijsbrechts prieste(r) in deen sijde en(de) coele van poederle sente peters/ man [van loeven] in dander van vii vierdelen rox erfelic die de voirs(creven) h(er)jan yesch en(de) meyndde te hebben vander capelrien wegen van/[sint] woudetrude(n) te he(re)nthals op alrehande goede en(de) pande toebehoe(re)nde den voirs(creven) coele van poederle seggende dat sijn/ fundacie die goede begrepe(n) hadde Den selven coele dair af de contrarie houdende vande(n) welken alrehande/ thonisse en(de) waerheit tusschen de voirs(creven) p(ar)thien bider stat verhoert wart Heeft ten eynde de selve stat van/ loeven(e) get(er)mineert [voir recht] want de goede gelege(n) sijn int mercgreefscap daer de stat van antwerpen een hoeftstad/ af is dat de p(ar)thien sullen trecken voe(r) de stat van antwerpen om vander selver stat te weten en(de) te/ t(er)mine(re)n waer de voirs(creven) h(er)g(er)jan sijn recht vervolge(n) sal Dit geschiede in vollen rade des vridaeghs p(ost)/ quasimodo anno xiiii[c] xxviii