It(em) henric my(n)nemoen in jegenwordicheit der scepene(n) van loeven(en) gestaen/ heeft gegeve(n) en(de) bekindt dat hij gegeve(n) heeft janne stockinc van burdmeerbeke/ een stuck onder heyden en(de) bosch houdende eenen(de)viertich boender of daer om/ trint gelijc dat gelegen es inde prochie van campenhout tusschen dbosch/ geheten wijssetter en(de) de goede jans van winxele Te houden en(de) te hebbe(n)/ van sente mertensmisse naest comende voe(r)leden eene(n) t(er)mijn van ses/ jae(re)n lanc deen na dander sonder middel volgende Elx jaers d(aer)enbynne(n)/ om twintich mudde [nuwer] evene(n) goit en(de) payabel der maten van loeven(en) te/ sente m(er)tens misse inden wynt(er) te betalen de alle jae(re) den voirs(creven) t(er)mijn/ duerende en(de) telken t(er)mine als vervolghde schout En(de) es vorwerde dat/ de voirs(creven) jan stockinc opten bosch peerde sal mogen laten gaen en(de) engheen/ ander beesten Item sal de selve jan stockinc de voirs(creven) goede ten behoirlike(n)/ tijde beheymen en(de) bevreden alst noet sal sijn en(de) de leydegracht veghen/ en(de) ruymen cor(am) eisd(em)