Cond sij allen lieden dan jan roelofs jan van bettenrade en(de)/ henric de leeuwe van oest(er)hem sijn comen in jegenwordicheyt/ d(er) scepen(en) van loeven en(de) hebbe(n) genome(n) en(de) bekendt dat sij ghe/ nome(n) hebbe(n) vanden mombo(r)en en(de) p(ro)viso(r)en en(de) [van] vrouwe lijsbette(n)/ edelheers meestersse(n) vanden groten gasthuyse van loeve(n) twee/ stucke wynnens lants gelege(n) in de prochie van he(re)nt opt/ bornevelt d(aer) af deen stuck gelege(n) es tussche(n) de goede/ raes van g(ra)ven he(re) van hev(er)le en(de) van malevien en(de) de/ goede peter willemaers in deen side en(de) de molenstrate ald(aer) in dand(er)
//
dander stuck es gelege(n) tussche(n) de goede jans vander lynde(n)/ en(de) de goede henrics vander horst Te houden te hebbe(n) en(de)/ te wynne(n) van half merte lest leden ene(n) t(er)mijn van thien/ jae(re)n lanc duerende deen na dand(er) d(aer) na staphans volgende/ Elx jaers daer en bynne(n) om sesse mudde en(de) vijf halst(er)/ rogs goet en(de) payabel d(er) mate(n) van loeve(n) alle jae(re) de(n) voirs(creven)/ t(er)mijn duerende tsente andries misse apostels te betalen en(de)/ tot loeve(n) int voirs(creven) gasthuys te leve(re)n en(de) telke(n) t(er)mijn alse ver/ volghde schout En(de) es vorw(er)de dat de voirs(creven) iii wynnen/ de strate(n) en(de) de grachte(n) ald(aer) bide(n) voirs(creven) goeden liggende wel/ en(de) loflic houden sele(n) sond(er) cost des voirs(creven) gasthuys Ite(m) is noch/ ond(er)sproke(n) dat de selve wynnen de voirs(creven) lande bynne(n) den/ lesten sesse jae(re)n vande(n) voirs(creven) t(er)mijn eenwerf wel en(de) cusb(er)lic/ ov(er)mesten sele(n) sond(er) argelist lombart vroede no(vembris) xxii