It(em) van alsulken gedinge als geweest is voir meye(r) en(de) scepen(en) van loeven(e) tusschen/ henrike van lyere van he(re)nthals in deen sijde en(de) henrike van mekelbroeck in dand(er)/ van eene(n) beemde geheet(en) den steenbeemt gelege(n) te norderwijc h tusschen den/ beempt gehete(n) roesele(r) en(de) den beemt gielijs van maserle dair af de voirs(creven) henr(ik)/ van mekelbroec den voirs(creven) henrike van lie(re) een vie(re)ndele meynde tontrecken [als] vande(n)/ onderpande van vi viertelen rox erfelic die de selve henric van lie(re) heeft/ opde(n) voirs(creven) beempt met me(re) panden dair toe hoe(re)nde Es tvonnisse dat de/ scepen(en) van loeven(e) de p(ar)thijen sette(n) inden hof dair de goede hoeve(n) recht/ aldair te geve(n) en(de) te neme(n) cor(am) rike abs(oloens) borch(oven) iunior haenwijc vroede/ des sat(er)daighs vii dage in februar(ii)