It(em) mathijs moutbroex van herssele heeft geloeft op sijn lijf en(de) op/ sijn goet en(de) op zoenbreke en(de) landbreke te sijn dat hij om en/ gheenre saken wille die opte(n) dach van heden geschiet mach sijn/ tusschen hem en(de) gielize en(de) janne vander hagen van gheele ghe/ bruede(re) natuerlic sone gielijs wilen vander hagen den selve(n) twee/ gebruede(re) nu(m)m(er)meer veede viantscap noch hatye doen noch drage(n)/ en sal bij hem selve(n) noch bij yemande anders in engheenrehande/ manie(re)n bekennende en(de) verlyende openbairlic de voirs(creven) mathijs/ moutbroex so waer hij hier tegen dade dat hij dan sijn lijf en(de)/ sijn goet verbeurt sal hebben onder wat he(re)n en(de) gherichte hij/ vonden sal werden behoudelic dien wille de voirs(creven) mathijs den/ voirs(creven) gebruede(re)n yet tijen of aenspraken dat hij dat sal moge(n)/ doen mette(n) rechte cor(am) ludovico rolands et walte(r)o pynnoc iuniore/ anno xiiii[c] xxviii p(ri)ma die mens(is) februarii
//