Cond sij allen lieden dat arnt vand(er) dyle sone jans wile(n)/ vand(er) dyle van wesemael [wijchmael] es comen in jegenwordicheyt d(er) scepen(en)/ van loeven en(de) heeft genome(n) en(de) bekendt dat hi genome(n) heeft/ van janne [va(n)] wynghe wonende inde coestrate thof des/ selfs jans gelege(n) ter strate(n) inde p(ro)chie van holsbeke mette(n)/ huyse(n) hove(n) wynnende(n) lande(n) beemden eeusele(n) met alle(n) sine(n)/ toebehoirte(n) uutgenome(n) een schue(re) gelege(n) tot ee(re)nboudeghem/ en(de) een stuck boschs gelege(n) boven ee(re)nboudegheem en(de) oec een/ boend(er) lants gelege(n) te dutshole opte(n) delle putte daer in/ de voirs(creven) arnt niet negheen recht hebben en sal te/ houden te hebben en(de) te wynnen van half merte lest/ voerleden ene(n) t(er)mijn van neghen jae(re)n lanc deen na dand(er)/ d(aer) na sond(er) myddel volgende elx jaers daer en bynnen/ te weten de wynnende lande om achten(de)dertich mudde/ rogs goet en(de) payabel d(er) maten van loeven ts(en)te andries/ misse apostels te betale(n) en(de) tot loeven ter woeni(n)ghe(n) des/ voirs(creven) jans te leve(re)n alle jae(re) de(n) voirs(creven) t(er)mijn duere(n)de/ en(de) telke(n) t(er)mijn alse vervolghde schout En(de) de beemde
//
voirs(creven) om hondert en(de) vijfen(de)tseventich hollantsche gulden(en) goede/ en(de) gheve alle jae(re) hie(re)n bynnen ts(en)te mertens misse inde(n) wynt(er)/ te betale(n) en(de) telke(n) t(er)mine alse v(er)volghde schout Ite(m) sal de voirs(creven) wyn/ jaerlex hie(re)n bynne(n) gheven [en(de) betalen] drie voede(re) hoys te wete(n) ii voede(re) d(aer) af/ den treserier van s(en)te peters te loeven en(de) tderde voed(er)e den godshuyse/ van vlied(er)beke sond(er) cost des voirs(creven) jans van wynghe Ite(m) sal de voirs(creven)/ wyn den voirs(creven) t(er)mijn duerende dragen allen den last en(de) dienst dieme(n)/ onse(n) genedige(n) he(re) den h(er)toghe van brabant vande(n) wagen goede(n) [des selfs jans] ald(aer)/ sculdich is sond(er) cost en(de) last des selfs jans van wynghe Item sele(n)/ de voirs(creven) jan van wynghe en(de) de wyn alle doeft dat int voirs(creven)/ hof jaerlex wassen sal deylen [en(de) hebben] te gelijc half en(de) half en(de) de selve/ wyn sal des voirs(creven) jans helecht tot loeven leve(re)n Item sal de voirs(creven)/ wyn jaerlex den voirs(creven) t(er)mijn durende leve(re)n een mudde ghersten/ om de duven ald(aer) te wynt(er) mede te vueden en(de) daer voe(r) sal hi/ tduven mest d(aer) af comende alleen hebben Item sal de voirs(creven) wyn/ jaerlex int voirs(creven) hof leve(re)n xl mandelen stroes om de huysinghe ald(aer)/ mede te decken en(de) te houde(n) En(de) als men die ald(aer) verdect oft plect/ so sal de voirs(creven) jan de dachhue(re)n betalen en(de) de wyn sal den/ werclude(n) de montcost gheven Ite(m) sal de voirs(creven) wyn de huysinge ald(aer)/ houden vand(er) und(er)ster rikelen ned(er)wart Item sal de voirs(creven) wyn/ de(n) voirs(creven) janne jaerlex leve(re) gheven een half dusent wijngart/ stake(n) en(de) hem die leve(re)n aen sijn wijngarde daert hem de vors(creven) jan/ noemen en(de) segge(n) sal En(de) de selve wyn sal den voirs(creven) janne jaerlex/ met sine(n) [wagen en(de)] p(er)den vijf vaerde van loevene(re)nbroeck tot loeve(n) dienen en(de)/ vare(n) It(em) sal de voirs(creven) wyn alle poten jaerlex vanden willegen/ ald(aer) staende vallende ten behoerliken tide setten en(de) poten opte goede/ voirs(creven) daer dat behoren sal Item sal de voirs(creven) wyn ten eynde/ vande(n) voirs(creven) t(er)mine laten inde messie des voirs(creven) jans tachtentich/bot [schat] voeders mests gelijc hi die [ald(aer)] vant te sinen incomen It(em) sal/ noch de voirs(creven) wyn ten uutgaen vande(n) voirs(creven) sine(n) termijn int vors(creven)/ hof laten viertich mandele(n) ond(er) rogghen stroe en(de) ghersten stroe/ ongheett [te wete(n) sestien stoeve voe(r) elke mandele gerekent] gelijc hier [hi die oec ald(aer)] vant te sinen incomen En(de) dies gelijcs oec/ x mandelen oer eten It(em) sal de selve wynne de grachten/ tot ee(re)nboudegheem opt leste jae(re) vande(n) t(er)mijn voirscr(even) trecken ge/ lijc hi die [getogen] vant te sine(n) income(n) getogen En(de) is vorw(er)de dat de
//
voirs(creven) wyn de voirs(creven) goede wel en(de) loflic wynne(n) mesten/ en(de) w(er)ven gelijc sinen reengenoten boven en(de) beneden en(de) die late(n)/ te sinen afscheide(n) gelijc hi die vant te sinen incomen te weten/dvelt alt [dbloc] acht(er) thof een half boend(er) lants gehete(n) trodeke(n) seven dach(mael)/ lants gehete(n) ped paddenberch ii dachmael op kerchof velt xxxii/ roede(n) lants gehete(n) tcleyn rodeken seventhien roede(n) vierde scoefs It(em)/ vijftalf dach(mael) lants opte(n) meersb(er)ch een half boende(r) opte(n) delle/ putte [en(de)] een half boend(er) opte(n) bocdriesch besayt met wynt(er) rogghe/ op sijn getideghe voren It(em) derdalf dachmael en(de) xxv roeden/ lants gelege(n) opte(n) vorsten meersberch met besayt met stoppel/ rogghe It(em) iii dachmael lants opte(n) delle putte gelege(n) wel gedreve(n)/ en(de) met ghersten besayt en(de) alle dand(er) storte eens o(m)me gedaen/ en(de) de brake geheel welke vorw(er)de(n) punte(n) en(de) condicie(n) boven bescr(even)/ de voirs(creven) wyn heeft geloeft de(n) voirs(creven) janne wel en(de) volcomel(ic)/ te houde(n) en(de) te voldoen talle(n) tide(n) als si valle(n) en(de) verschine(n) sele(n)/ en(de) telke(n) t(er)mijn alse v(er)volghde schout En(de) hier af sijn burghen/ des voirs(creven) arnts als p(ri)n(cipae)[le] sculde(re)n ongesund(er)t en(de) onghescheiden/ peter en(de) willem vand(er) dyle sine(n) bruede(re)n de welke de/ selve art sal heeft geloeft scadeloes te houden en(de) tontheffe(n)/ pynnoc [iunior] vynck junii xx[a]
//