Cond sij allen dat willem vande(n) borchove(n) sone henrics vande(n) borchove(n)/heeft [en(de) amelrijc de swerte(n) hebben] openbaerlic quijtgeschoude(n) sijn [hoe(re)] toeleyt hemn gedaen mids v(ir)tuyt va(n)/ scepen(en) brieve(n) van loeve(n) tot de(n) goede(n) hier na bescreve(n) jans van goetskove(n)/ he(re) tot voelne also v(er)re als dat beleyt hind(er)lic wesen mocht den vorw(er)den/ condicien en(de) gelufte(n) hier na bescreve(n) dat gedaen de voirs(creven) jan va(n) goetskove(n)/ he(re) tot voelne in jege(n)wordicheyt d(er) scepen(en) va(n) loeve(n) gestaen heeft v(er)huert/ en(de) bekendt dat hi verhuert heeft hubrecht met orlove tshe(re)n vande(n)/ gronde hubrechte spoytbert en(de) arnde ve(re)ntruden barbier de goede/ hier na bescreve(n) te wete(n) dwoenhuys des selfs jans he(re) tot voelne/ mette(n) huyse(n) stalle houdhuys messye en(de) mett(er) porten en(de) voute(n) gelege(n)/ bi sente geertrude(n) opte dyle ald(aer) tussche(n) de selve dyle en(de) dand(er) huys/ des voirs(creven) jans he(re) tot voelne dat uutcomt inde coestrate Ite(m) ene(n)/ hof met sijnre toebehoirte(n) gelege(n) acht(er) de munte te loeve(n) tussche(n)/ de selve mu(n)te en(de) de(n) raemhof ald(aer) te houde(n) en(de) te hebben van/bami opte(n) yersten dach d(er) maent van october die wesen sal/ int jaer ons he(re)n m cccc en(de) xxx tot ene(n) t(er)mijn van neghe(n) jae(re)n/ lanc deen na dand(er) daer na sond(er) myddel volgende elcs jaers/ daer en bynne(n) om sessen(de)dertich hollantsche gul(den) van goude goede en(de)/ gheve te wete(n) is ii [gul(den)] cronen d(er) mu(n)ten skoninx van vrancrijc goet/ van goude en(de) gerecht van gewichte voe(r) drie vande(n) voirs(creven) gul(den) gereke(n)t/ half tot paessche(n) en(de) half ts(en)te remeys misse te betale(n) alle jae(re)/ de(n) voirs(creven) t(er)mijn duer(ende) en(de) telke(n) t(er)mine alse v(er)volghde schout [behoudelic dien dat jan he(re) tot voelne voirs(creven) inde [voirs(creven)] voute voirs(creven) jaerlex sal moge(n) doen legghen ii vate of iii [vate] wijns de(n) voirs(creven) t(er)mijn duer(ende)] En(de) is vorw(er)de/ dat de voirs(creven) jan he(re) tot voelne alle de(n) co(m)mer en(de) tsijs uut de(n) vors(creven)/ goede(n) gaende jaerlex de(n) selve(n) t(er)mijn dur(ende) gelde(n) en(de) betale(n) sal en(de) de/ selve huysinghe de(n) voirs(creven) t(er)mijn duer(ende) wel en(de) loflic houden van/ wande en(de) van dake en(de) sal oic de selve jan he(re) tot voelne sijn/ huys dat hi ald(aer) behelt wel en(de) loflic beheyme(n) besluten bevrede(n)/ en(de) v(er)make(n) also dat nyemant inde voirg(enoemde) goede gaen come(n) noch sien/ en sal uut de(n) huyse dat de voirs(creven) jan he(re) tot voelne ald(aer) behelt/En(de) is oic vorw(er)de Ghevielt oic also dat de voirs(creven) hubrecht en(de) arnt/ inde voirs(creven) huysinghe yet dade(n) maken bynne(n) de(n) voirs(creven) t(er)mijn dat sele(n)/ si tallen tide(n) als si uut de(n) voirs(creven) huysinge(n) trecke(n) selen wed(er) af/ moge(n) doen En(de) des gelijx waert dat si aende voirs(creven) huysinghe/ yet braken dat si dat wed(er) selen doen make(n) En(de) oft oic also/ geviele dat de voirs(creven) hubrecht en(de) arnt aende dake oft aen de/ wande yet daden make(n) dat daer aen gebrake bynne(n) den tide vors(creven)/ daer de selve hubrecht en(de) arnt scade bi soude(n) lide(n) so is/ vorw(er)de dat de voirs(creven) jan he(re) tot voelne hen dat afcorten/ sal vand(er) hueringhe(n) van sine(n) ghelde voirscr(even) hier in altoes
//
ond(er)sproke(n) waert also dat de voirs(creven) hubrecht en(de) arnt bynne(n) den/

yersten vijftalven jae(re) ten uutgaen dat de voirs(creven) hubrecht en(de) arnt/ bynnen den yerste(n) vier jae(re)n vanden voirs(creven) t(er)mijne niet en sele(n) mogen/ scheide(n) uut d(er) voirs(creven) hueringe(n) mer so wanneer dat si daer na En(de)/ of si daer na woude(n) scheyde(n) dat moge(n) si doen behoudelic dien/ dat si dat de(n) voirs(creven) janne he(re) tot voelne sele(n) laten wete(n) opten/ yerste(n) dach van octobri en(de) dan daer na ten naeste(n) jae(re) wed(er)o(m)me/ mogen scheyde(n) En(de) heeft geloeft de voirs(creven) jan he(re) tot voelne den voirs(creven)/ hubrecht en(de) arnde vand(er) voirs(creven) hueringe(n) genoech te doen en(de) jege(n) ene(n)/ yegeliken recht warant te sijn de(n) voirs(creven) t(er)mijn duerende vynck/ hug(ar)den junii xvii
//