It(em) gielijs crauwel de jonghe heeft geconsenteert en(de)/ gewillecoert openbaerlic dat lijsbeth sijn zust(er) na doet gielijs/ crauwels en(de) lijsbette(n) sijns wijfs vad(er) en(de) moed(er) des voirs(creven)/ gielijs sjongen en(de) lijsbette(n) in gelike(n) delen deylen en(de) hebben/ sal mette(n) voirs(creven) gielise hae(re)n brued(er) alle de goede beruerlic/ en(de) onberuerlic die blive(n) selen na de doet des selfs gielijs/ svaders en(de) lijsbette(n) sijns wijfs so wae(r) die goede gelege(n) of met/ wat name(n) die genoemt zijn hier in altoes gevorwerdt dat/ de voirs(creven) gielijs de vad(er) de voirs(creven) goede in des(er) voeghen/ sal late(n) gaen na sijn doet en(de) na de doet d(er) voirs(creven) lijsbette(n)/ sijns wijfs die dan ald(aer) bliven selen sond(er) e(n)nich vanden voirs(creven)/ sine(n) kijnde(re)n e(n)nich recht deen voe(r) den ande(re)n daer in te make(n)/ oft te laten lombart lyemi(n)ghen januarii xix