Cond sij allen lieden want stoet en(de) tebat gheweest sijn/ tuschen h(e)r(e)n janne vander meeren van stertbeke ridder in deen/ zijde en(de) janne en(de) coenrarde vander meeren gebruede(re)n sinen sonen/ ten yersten uut des selfs h(e)r(e)n jans huers vaders broede gedaen in dande(r)/ vanden goeden onberuerliken goeden die bleven sijn na en(de) vander/ doet vro wilen vrouwe kateline(n) vanden busdomme ghesellynne des/ voirs(creven) h(e)r(e)n jans vand(er) meeren en(de) moeder des voirs(creven) jans en(de) coenraets/ en(de) bliven sullen na de doet des selfs h(e)r(e)n jans en(de) desgelijcs vander/ schout die de voirs(creven) h(er) jan sculdich is met ande(re)n punten inden/ voirs(creven) comp(ro)misse beg(re)pen Dair o(m)me eest dat henric van/ wencsele willem vanden busdo(m)me wouter van nethe(ne)n dieme(n)/ heet vanden royele en(de) dieric vanden elzen secretar(is) d(er)/ stat van loven en(de) henric de verme(re) inde stat h(e)r(e)n jans/ vylains ridders comen sijn voer scepen(en) van love(n) en(de) hebben hue(re)/ seggen tuschen de voirs(creven) p(ar)tijen uutgeseeght gelijc h(ier) na volcht/ inden yersten dat de voirs(creven) jan en(de) coenraet gebruede(re)n alle/ de onberuerlike goede des voirs(creven) h(e)r(e)n jans vander meeren/ huers vaders so waer die gelegen sijn t(er) stont over hebben/ besitten en(de) gebruycken sullen op allen den co(m)mer last en(de)/ chijnse d(aer) uut gaende ende voert aen op iiii[c] g(ri)pen te weten/ xl placken payments opten dach dat(um) des briefs in brabant/ ghemeynlic in borsen gaende voer elken g(ri)pe ghereeckent/ lijfpensien ten live des voirs(creven) h(e)r(e)n jans te betalen te weten/ deen vierdeel dair aff tot sente jans misse baptisten neestcomen(de)/te [dander vierdeel] dair aff tsente remeys misse dair naest volgen(de) c g(ri)pen[tderde vier]/[deel] dair aff tot kersmisse dair naest volgende en(de) c g(ri)pen [tvierde vierdeel] dair/ aff tsente jans misse baptisten [tot paesschen] daer naest volgende en(de) also/ voert van jare te jae(re) tot elken vanden voirs(creven) t(er)mine(n) c der/ voirs(creven) g(ri)pen te betalen also langhe als de voirs(creven) h(er) jan leven/ sall en(de) niet lang(er) met alsulker vurwerden als de voirs(creven)/

h(er) jan vanden voirs(creven) tween iersten paymenten betaelt en(de) v(er)nuecht/

sall sijn oft dat hij daer aff te vreden sij dat dan
//
te weten deen vierdeel dair aff tot kersmisse neestcomen(de)/ dander vierdeel dair aff tot paesschen d(aer) naest volgen(de) tderde/ vierdeel dair aff tot sente jans misse baptisten d(aer) naest/ volgen(de) en(de) dleste ver vierdeel d(aer) aff tot sente remeys misse/ daer naest volgende alle jae(re) en(de) also voert alle jae(re)/ also langhe als de voirs(creven) h(er) jan leven sall den selve(n)/ h(e)r(e)n janne tot elken vanden voirs(creven) iiii t(er)mine(n) c der/ voirs(creven) g(ri)pen te betalen en(de) niet lang(er) op also dat de/ voirs(creven) h(er) jan voer sijn bijlevynghe tuschen dit en(de) kersmisse/ neestcomen(de) heffen en(de) boeren sall van alsulken gelde als/ comen is vanden renten die h(er) jan vylayn ridder v(er)cocht/ heeft twehondert g(ri)pen te wete der weerden voirs(creven) te/ wete(n) deen helcht dair aff nu tot sente jansmisse baptiste(n)/ neestcomen(de) en(de) dander helcht dair aff tsente remeys/ misse dair naest volgende voert hebben gheseecht de/ voirs(creven) segge(re)n eendrechtichlic voer hue(re) seggen dat de/ voirs(creven) jan en(de) coenraet vander meeren betalen sullen/ en(de) den selven h(e)r(e)n janne hue(re)n vader ontheffen en(de) schade/ loes quijt houden van allen [schat] schouden die de voirs(creven) h(er) jan/ ghemaect mach hebben en(de) t(er) goeder meyninge(n) en(de) wittig(er)/

waerh(eit) sculdich is tot opten dach van heeden sonder den/ selven h(e)r(e)n janne e(n)nichsins daer mede voert [meer] belast/ te werden [blive(n)] vercle(re)nde en(de) uutgeven(de) noch de selve/ segge(re)n voer hue(re) seggen dat de voirs(creven) jan en(de) coenraet/ vander meeren gebruede(re)n [elc sinen gr...] alle de schout co(m)mer last lijf/

pensien en(de) erfrenten uut den voirs(creven) goiden gaende en(de) die/

de voirs(creven) h(er) jan vander meeren hue(r) vad(er) sculd(ich) mach sijn/

tot opten dach van heden als voirs(creven) is dragen en(de) gelden/

sullen elc na sijn gelande dat sijn gedeelte en(de) porcie/

vanden goeden die hen na inhebben der deylingen
//
de voirs(creven) schat schout te gade(r) met allen co(m)me(r) het sij van/ erftsijse erfrente(n) erfpachten oft lijfpensien die de voirs(creven)/ h(er) jan vander meeren hue(r) vader tot opten dach van heden/ opte voirs(creven) goede gedaen mach hebben betalen [sullen] te weten elc/ na de gelande van sinen goiden porcien en(de) gedeelten gelijc/ die ghevalueert sijn bij h(e)r(e)n willem(me) brau priest van bruessel/ priester en(de) gelijc de cedulen dair op gemaect dat beg(re)pe(n)/ en(de) inhouden Item hebben voert de segge(re)n geseecht voer/ hue(re) seggen dat mids desen de voirs(creven) jan en(de) coenraet/ gebruede(re) t(er) stont over en(de) tot henwert hebben sullen alle/ de schat schout diemen den voirs(creven) h(e)r(e)n janne hue(re)n vader/ tot opten dach van heden sculdich en(de) belanc mach sijn/ tot der welker te gec(ri)gen de selve h(er) jan hen behoirlic/ behulp van rechte doen sall oec seggen noch de/ voirs(creven) segge(re)n als van sulken [schoute] steene(n) en(de) coreelen [en(de) ande(re)n steene(n)] liggende/ te stertbeke int hoff dat de voirs(creven) jan en(de) coenraet des/ gelijc hebben en(de) aenveerden sullen o(m)me hen hue(r) huysinghe/ dair mede te repare(re)n en(de) te maken noch hebben geseecht/ de voirs(creven) segge(re)n voer hue(re) seggen dat de voirg(enoemde) gebruede(re)/ na de doot des voirs(creven) h(e)r(e)n jans huers vaders lec elc na/ de gelande van sine(n) goeden voirscr(even) t(er) stont bewijsen en(de)/bet vortaen jairlix betalen sullen eligaste en(de) ogier/n bastart sonen des voirs(creven) h(e)r(e)n jans te weten elken van/ hen xii blau crone(n) inder weerden als voe(r) geruert is tot/[hue(re)n live] ende des gelijx m(ar)griete(n) spikincs oec na doet des/ voirs(creven) h(e)r(e)n jans ii mudde corens d(er) mate(n) van bruessel/ It(em) hebben noch geseecht de voirs(creven) segge(re)n dat de voirs(creven) jan en(de)/[vander meeren en(de) coenraet vand(er) mee(re)n] coenraet gebruede(re) staphans na dat des voirs(creven) h(e)r(e)n jans t(er)/ stont elc na de gelande van sine(n) goide(n) als voe(r) betale(n)/ en(de) bewisen sullen der tafelen vanden heilige(n) gheest van/ stertbeke voe(r) djaergetide vrouwe kateline(n) wilen va(n)den
//
busdomme gesellynne des voirs(creven) [h(e)r(e)n] jans en(de) desgelijx voer/ djaergetide des voirs(creven) h(e)r(e)n jans ii mudde [sacke] tarwen d(er) maten/ van bruessel o(m)me opten [dach] vanden voirs(creven) hue(re) beyd(er) jaergetiden/ den armen van stertbeke broet dair aff te deylen en(de)/ seggen vort de selve segge(re)n voer hue(re) seggen dat/ de voirs(creven) gebruede(re) tuschen dit en(de) [half oeghste] s(en)[te]m(er)tens misse/ neestcomen(de) coepliede zuecken sullen o(m)me op hue(r)/ beyder goede elc na de gelande van sine(n) gedeelte/by o(m)me also vele erfrenten te v(er)coepen t(er) q(ui)tinge(n)/ dair mede men bynne(n) den selve(n) tide betalen/s en(de) lossen sall moegen alle de schat schout des voirs(creven)/ h(e)r(e)n jans en(de) de renten beyde lijftochten en(de) ande(re)/ uuten voirs(creven) goeden t(er) lossingen gaende en(de) dat/ also gedaen sijnde so sall men den voirs(creven) kijnde(re)n/ vanden bodeme vanden voirs(creven) goiden en(de) den voirs(creven) h(e)r(e)n/ janne van sijnre lijfrente(n) te wete(n) elken van hen mette(n)/ beleitbrieve henrix van wincsele die hij opte voirs(creven)/ goede spreeckende heeft t(er) stont voer meye(r) en(de) scepen(en)/ van loven behoerlike vestich(eit) doen behoudelic in/ desen seggen den segge(re)n hue(r) vercle(re)n [en(de) goetdu(n)cken] als vanden/ toevalle des voirs(creven) h(e)r(e)n jans [en(de)] vander donckernissen die/ vallen mochte inde deylinge te maken d(er) voirs(creven) gebruede(re)/ allen argelist h(ier) inne uutgescheiden calstr(is)/ k(er)smake(re) junii xviii/ te gedencken alsmen de vestich(eit) doen sall dat de/ kynde(re) behoirlike br(ieve) maken sulle(n) etc(etera)/