Cont sij Cond si allen lieden want stoet tebat en(de) geschille/ opv(er)staen en(de) geport sijn tusschen h(ere)n ja(n)ne vand(er) me(r)en/ van stertbeke ridde(r) in deen side en(de) ja(n)ne ende/ coenrarde vand(er) me(r)en gebruede(re)n sijn sone voe(r)/ uut des vors(creven) h(ere)n jans vand(er) me(r)en hoers vaders/ broede gedaen in dande(r) van alsulken onberuerlike(n)/ goeden als bleve(n) sijn na en(de) vand(er) doot vr(ouwe)/[vacat] vande(n) bisdo(m)me sijnre gesellinne(n) en(de) blive(n) selen/ na de doot des vors(creven) wilen h(ere)n jans hoers vaders/ en(de) moeder(s) en(de) des gelijx vand(er) schout die/ de selve h(er) jan vand(er) me(r)en sculdich is en(de) gemaect/ heeft en(de) oec in wat maniere(n) de vorscr(even)/ jan en(de) coenrart gebruede(re)n de vors(creven) goeden/ deylen hebben en(de) behouden selen en(de) van hoe vele/ een yegelijc van beyde den sone(n) den vors(creven) h(ere)n/ ja(n)ne hoe(re)n vad(er) sijn leefdaghe lanc van en(de) uut/ hoe(re)n goeden geve(n) en(de) betalen sele(n) met ande(re)n/ lasten die de selve h(er) jan op de vors(creven) goede/ geordineert en(de) gemaect heeft daer om/ eest dat de vors(creven) h(er) jan in deen side jan en(de)/ coenrart sijn sone in dande(r) come(n) sijn voe(r) scepen(en)/ van loeven en(de) hebben hen van desen stoete en(de) van/ alle des d(aer) aencleve(n) mach eendrechtichlic v(er)bonde(n)/ in segge(re)n en(de) vriendelic iffene(re)n te wete(n) in h(ere)n ja(n)ne/ vylain ridde(r) henr(ic) van winczele willeme vande(n)/ bisdo(m)me wout(ere)n van nethene(n) dieme(n) heet vande(n)/ royele en(de) in diercke(n) vande(n) elzen secretar(is) d(er) stat/ van loeve(n) gelovende beyde de vors(creven) p(ar)tie(n) vast en(de)/ gestentich te houde(n) soe wes de vors(creven) v segge(re)n/ of dmeeste van hen vande(n) vors(creven) stoote seggen/ utene(n) en(de) p(ro)nu(n)cie(re)n selen cor(am) calst(ris) velde/ a(n)no xxxiii[o] junii xv En(de) off enigh segge(n) gebrake/ datme(n) ene(n) ande(re)n in de stat neme(n) sal sond(er) argelist/