It(em) want nu onlanx stoet en(de) tebat opv(er)staen is geweest tusschen h(ere)n ywain/ van cortenbach land co(m)mendour vand(er) bailgien des duudsche(n) ordens tot tricht/ als mombour gesteldt van ons gened(igen) he(re)n des h(er)togen van brabant van/ joffr(ouwe) kath(er)inen vrouwe van helmont doe noch ond(er) hae(re) daghe sijnde in/ deen zijde en(de) goerde de lu als wettich man en(de) mombour vrouwe m(ar)griete(n)/ moed(er) d(er) voirs(creven) joffr(ouwe) kath(er)inen in dande(r) van alsulke(n) derdalfhondert/ crone(n) lijfpensien als de voirs(creven) vrouwe m(ar)griete tot hae(re)n live jaerlex/ heeft opte goede van helmont en(de) van wes quitancie de vors(creven) vrouwe/ m(ar)griete d(aer) af sculdech is te [soude sijn te] gheven met ande(re)n saken d(aer) aen clevende/ daer op de stat van loeven alrehande waerheyde(n) en(de) ghetuyghnissen v(er)hoert/ en(de) de brieve d(aer) op gemaect gevisiteert hebben daer om eest dat de raet/ vand(er) stat van loeven bi goeden ripen en(de) voerdachtigen rade d(aer) te voren/ op gehadt get(er)mineert heeft voe(r) reden en(de) recht na de waerheyt en(de)/ de brieve voergheruert dat de voirs(creven) vrouwe m(ar)griet op de goede/ d(aer) af dat de brieve mencie make(n) niet meer hebbe(n) en sal jaerlex/ dan derdalfhondert crone(n) gelijc de brieve begripen en(de) dat si d(aer)/ af behorlike quitancie geven sal gelijc de secretar(is) vand(er) stat die/ ordine(re)n sal en(de) dat de brieve die d(aer) af noch ond(er) de stat ligghen/ mencie makende vanden goeden van helmont voirs(creven) aldaer selen bliven/ liggen tot behoef en(de) tot alsulk(er) meyninghen gelijc tregister d(aer) af/ mencie maect cor(am) jacobo ex lye(mingh)[en] et andrea de vossem burg(i)/ mag(ist)ris ac henr(ico) de calstris et ge(rar)[do] de hanewijc scabinis et/ q(uam)plu(ri)b(us) aliis de consilio op(idi) lovan(iensis) des vridaeghs xxiiii dage/ in octobr(i)