Want peter wilen heyme [in sinen testamente] sine goede gelaten heeft een aelmoessen tot den/ huyse vanden twelf apostolen gelege(n) op duulake jegen de viermolen in welke(n)/ testamente hi ond(er) den ande(re)n oec liet en(de) maecte alrehande p(er)sone(n) op de vors(creven)/ sijn goede seke(re) lijfrenten tot hae(re)n liven daer af stoet geweest is wed(er) de/ voirs(creven) lijfrente(n) sterve(n) selen op joffrouwe agneze(n) weduwe des voirs(creven) wilen pet(er)s/ heyme off opten voirs(creven) huysse Daer om eest dat de burg(er)meest(ere)n en(de) raet/ vand(er) stat van loeven in welker macht tgouv(er)nement vande(n) voirs(creven) huyse steet/ en(de) gesteldt es tvoirs(creven) testament des voirs(creven) wilen peters heyms ov(er)sien en(de)/ gevisiteert hebbe(n) en(de) zijn dae(re)n teynden met ripe(n) rade geslote(n) en(de) get(er)mineert/ voe(r) reden(en) en(de) recht dat alle de goede des voirs(creven) wilen peters heyme/ den voirs(creven) huyse volgen zelen op alsulke(n) duwarie als de voirs(creven) joffrouwe/ agneze opte voirs(creven) goede heeft tot aen d(er)re tijt dat philips van madeghem/ en(de) joffr(ouwe) agneze en(de) zijn wijf voirs(ceven) biden rade vander stat bet(er) bescheyt/ bracht selen hebbe(n) Ende es voert verdraghen inden rade vand(er) stat voirs(creven)/ als voe(r) datme(n) janne van oppendorp die na den rechte d(er) stat va(n) loeven/ geleydt is om mette(n) brieve(n) des voirs(creven) wilen peters heyme tvoirs(creven) testament/ te doen volschien bevelen sal dat hi tvoirs(creven) v(er)drach ind(er) maten als/ voirs(creven) is doe houden en(de) volvuere(n) cor(am) lyemi(n)ghen voshem burg(i)mag(ist)ris/ henr(ico) de calstris et gerardo de hanewijc scabinis lovan(iensibus) d(omi)no ludovico/ pynnoc milite will(el)mo lombart waltero roelants joh(ann)e de oppendorp/ iuniore henrico de monte arnoldo boen will(el)mo gans will(el)mo hek(er)linc/ joh(ann)e fuyck waltero ruyssche(re) t(am)q(uam) plu(r)ibus aliis de consilio op(pidi) lov(aniensis)/ anno xxxiii junii xvii[a]/