It(em) want jan de witte stee(n)metser in deen side en(de) katlijn/ sampeye sijn wijf in dande(r) geweest sijn bide(n) rade vand(er)/ stat van loeve(n) daer de vors(creven) jan de witte meyndde en(de)/ opdede dat hem van des vors(creven) sijns wijfs bruede(re)n toe/ geseeght was dat si tselve sijn wijf in dien hebben soude/ dat si niet en soude wone(n) int huys gelege(n) inde me(n)nest(ra)te/ daer si tot heer toe ingewoent hadde met meer/ redene(n) die de vors(creven) jan de witte daer toe seyde op/ dwelc de vors(creven) katlijn antworde dat een deerlic [sake] wae(re)/ dat mense uut hoers vaderlik(er)e(n) erve(n) verdrive(n) soude/ na datme(n) hoe(r) gheen redelike ocsuy(n)ne gegeve(n) en/ conste met meer woerden die si d(aer)toe dede seggen/ etc(etera) daer om eest dat de raet vand(er) stat get(er)mineert/ heeft dat de vors(creven) katline int vors(creven) hoe(r) huys en(de)/ vaderlike erve blive(n) sal cor(am) nethene(n) wante burg(imagistris)/ wittema(n) cap(elle)[ma(n)] scab(inis) lovan(iensibus) calst(ris) absoloen et q(uam)plu(r)ib(us) aliis/ de consilio eis xxi dage in septembr(i)
//