Ite(m) want and(er)wile doen henric van schoe(re) alsoet luydde en(de) scheen in/ wille was kath(er)ine(n) van bruessele sijn wijf wed(er) bi hem te nemen en(de)/ hae(r) te doen des een goet man sinen wive sculdech soude zijn te doen/ ghet(er)mineert was biden rade vand(er) stat van alsulken xv l(i)b(ra) grote/ als de vors(creven) henric met listigher subtijlheyt vand(er) vors(creven) kath(er)ine(n) sinen/ wive gecregen hadde En(de) men nu claerlic bevijndt datmen tvors(creven)/ ghelt aen lijftocht legghen soude en(de) dat setten op woytkens lijf haerre/ beyd(er) sone En(de) men nu claerlic bevijndt dat de vors(creven) henric hem/ tot der vors(creven) kath(er)ine(n) sine(n) wive niet en vueght noch en gheeft also/ dat van gods en(de) van ee(re)n wegen behoerde mer jaeghtse met grot(er)/ onwerden sond(er) hae(r) yet te gheven of te laten volghen van hem bij/ hem houdende en(de) wed(er) settende een oneersam en(de) o(n)nut wijf daer/ de voirs(creven) woytken meer hulpen dan letsels toe doet beyde in woerde(n)/ en(de) in w(er)ken die hi d(er) voirs(creven) kath(er)ine(n) zijnre moed(er) dick en(de) te me(n)nig(er)/ stont gegeve(n) en(de) bewijst heeft die niet segghelic en sijn Daer/ om eest dat de raet vand(er) stat va(n) loeven hier af te recht en(de)/ volcomelic informeert zijnde get(er)mineert heeft voe(r) reden(en) en(de) bescheyt/ en(de) na dat de voirs(creven) kath(er)ine voirs(creven) ghelt alleen verworven hadde/ dat de vors(creven) henr(ic) hae(r) man hae(r) de voirs(creven) xv l(i)b(ra) grote ter stont/ ov(er)gheve(n) sal hae(r) d(aer) mede te ghene(re)n en(de) tot hae(re)n vryen wille/ te beke(re)n cor(am) roelants wante burg(i)mag(ist)ris cu(m) eor(um) pleno/ consilio octobr(is) s(ecund)[a] anno xxxiii
//