It(em) want stoet en(de) tebat opv(er)staen en(de) geresen was tusschen arnde vande(n) wat(er)scap/ sone jans vanden wat(er)scap die na de(n) recht d(er) stat va(n) loeve(n) come(n) en(de) geleydt/ is tot de(n) goede(n) elis(abeth) wilen vand(er) steeghe(n) weduwe jans wile(n) vand(er) straten/ in deen side en(de) henricke(n) bax van gheele in dande(r) Alse vanden goeden voirs(creven)/

d(aer) af de voirs(creven) arnt meyndt dat hem die toebehoe(re)n datse bet(er) sijn dan/

lxxx gripen Alse dat de voirs(creven) arnt meyndt dat hem de bate vanden/ voirs(creven) goeden datse beter sijn dan lxxx gripen toebehoe(re)n soude d(aer) af dat/ de voirs(creven) henric meyndt dat hi hem vernueght heeft So sijn de voirs(creven)/ p(ar)tijen des come(n) voe(r) scepen(en) va(n) loeven en(de) hebbe(n) hen vande(n) vors(creven) stote en(de)/ van alle(n) ande(re)n sake(n) en(de) stucke(n) die deen tot de(n) ande(re)n te seggen heeft van/ wat saken dat spruytende comt tot opte(n) dach toe van hebb heden gekeert/ en(de) ghesubmitteert in segge(re)n en(de) vriendelike yffene(re)n te wete(n) de vors(creven)/ arnt vande(n) wat(er)scap in janne vande(n) vekene en(de) laureyse daems en(de) de/ vors(creven) henric in janne yngbrechts en(de) mychiele(n) van wanghe knaep d(er) stat/ van loeven op also dat de voirs(creven) segge(re)n der beyde der voirs(creven) p(ar)tijen recht/ en(de) bescheyt aenhoe(re)n selen bynnen viii dagen naest comende daer af/ si hae(r) seggen uutene(n) en(de) p(ro)nu(n)cie(re)n sele(n) bynne(n) xiiii nachte(n) d(aer) naest/ volgende op dat si des eens en(de) van accoerde sijn En(de) so waer si/ des niet van accorde ge en w(er)den [gewerden en consten] so selen de selve segge(re)n [of de drie van hen] bynnen/ de(n) selve(n) tijde eene(n) ov(er)man nemen de welke sijn segge(n) d(aer) af uutspreke(n)/ sal bynne(n) xiiii nachte(n) d(aer) na sond(er) myddel volgende gelovende de/ selve vast en(de) gestedich te houde(n) so wes de vors(creven) segge(re)n eendrecht(elic)/ of de voirs(creven) ov(er)man vande(n) stote voirscr(even) es segge(n) en(de) p(ro)nu(n)cie(re)n/ selen sond(er) argelist lye(mingh)[en] lynden ja(nuarii) xxx
//