Cond sij allen lieden dat margriet weduwe jans wilen van quaderebbe/ heeft v(er)huert met orlove tshe(re)n vande(n) gronde janne wellens die/ haerre docht(er) heeft een huys en(de) hof met sijnre toebehoirte(n) gelege(n)/ inde bieststrate tussche(n) de goede jans wile(n) de custe(re) en(de) de goede/ jans welde Behoudelic dien dat de selve m(ar)griete inde vors(creven) huysinge/ behouden sal een eetcame(re) twee slaepcame(re)n en(de) beyde de acht(er)ste/ zolders sond(er) de(n) voirs(creven) janne wellens yet [e(n)nich] rechts d(aer) in te behouden [hebben]/ Behoudelic oec der voirs(creven) m(ar)griete(n) hae(r) nutscap en(de) ghemack vande(n)/ hove en(de) vand(er) heymelicheyt d(aer) in staende sond(er) wed(er)segge(n) des selfs jans/ te houden(e) te hebben en(de) te besitten also langhe als de vors(creven) m(ar)griet/ leven sal en(de) niet op alle den tsijs en(de) co(m)mer uut de(n) voirs(creven) goede(n)/ gaende en(de) voertaen op vier cronen te weten veertich placke(n)/ payments voe(r) elke crone gerekent te kersmisse te betale(n) der selv(er)/ m(ar)griete(n) alle jae(re) also lange als si leven sal en(de) niet lange(r)
//
En(de) is vorw(er)de dat de vors(creven) jan wellens de vors(creven) goede wel/ en(de) loflic houden sal van wande en(de) van dake voert is claerlic/ ind(er) voirs(creven) hueringhen ond(er)sproken waert also dat gheertruyt wijf/ des voirs(creven) jan wellens docht(er) der vors(creven) m(ar)griete(n) storve voe(r) der selv(er)/ m(ar)griete(n) haerre moed(er) dat dan de voirs(creven) hueringhe te nyeute en(de) van gheenre w(er)den sijn en sal Gelovende de vors(creven) m(ar)griet den/ vors(creven) janne wellens vand(er) voirs(creven) hueringhen altijt genoech te doen/ en(de) recht warant te sijn jege(n) ene(n) yegelike(n) also langhe als si leve(n) sal/ en(de) niet lange(r) opp(endorp) wittema(n) ja(nuarii) xxix
//