It(em) es heden bid vanden rade vand(er) stat van loeve(n) bevole(n) mychiele(n) voet/inde(n) name van hem en(de) van woute(re)n voet sine(n) soen die tot sinen goede geleydt/es en(de) anthonise van rode van alsulken vonnisse als and(er)wile biden scep(en)en/va(n) loeven gewijst is tusschen hen beyde(n) dat si dat deen den ande(re)n/voldoen selen van heden ov(er) xiiii nacht daer bid(er) stat v(er)claert/waert dat de vors(creven) wout(er) gestaen sal metten inb(ri)nghen na de gelande/van anthonis gedeelte p(rese)ntibus gelijc tvonnisse d(er) schep(en)en van loeve(n)/dat begrepen heeft p(rese)ntibus ut imme(dia)[te] sup(ra)