Cond sij allen lieden dat ghijsbrecht van helmont natuerlic sone/ h(ere)n jans wile(n) van berlaer he(re) van helmont in jegenwordich(eyt)/ d(er) scepen(en) va(n) love(n) gestaen heeft bekendt en(de) v(er)lijdt openbairlic/ dat hi goede wettighe en(de) warighe rekeninghe bewijssenisse en(de)/ betalinghe gehadt en(de) ontfaen heeft van vrouwe m(ar)griete(n) weduwe/ des vors(creven) wile(n) h(ere)n jans va(n) berlaer sijnre moeder en(de) goerde de/ lu nu t(er)tijt hae(re) man sijnde van allen den goede(n) beruerlic ende/ onberuerlic der welker de voirs(creven) vrouwe m(ar)griet en(de) goert de lu/ hae(re) man hen van des voirs(creven) ghijsbrechts wege(n) e(n)nichsins onderwonden/ aenkeert en(de) gehave(n) moghen hebbe(n) van wat goeden dat dat sijn/ mach of so waer die gelege(n) en(de) met wat name(n) sij genoemt sijn/ En(de) heeft dair om de vors(creven) ghijsbr(echt) va(n) helmont den vors(creven) goerde/ de lu en(de) vrouwe m(ar)griete(n) sijnre gesellinne(n) [openbaerlic quijtgeschouden] van allen en(de) yegewelke(n)/ schouden vorwerden gelufte(n) actien eysschinge(n) brieve(n) goede(n) en(de)/ dinghen daer in de voirs(creven) goert en(de) vrouwe m(ar)griet sijn gesellinne/ de(n) voirs(creven) ghijsbrechte gehouden ware(n) of verbonden mochte(n) sijn [van wat sake(n) dat dat sijn mach] tot/ opte(n) dach toe van heden Bekennende de selve ghijsbrechte dat/ hem van allen saken volcomelic genoech gedaen en(de) geschiet is Ge/ lovende voert de voirs(creven) ghijsbrecht den voirs(creven) goerde de lu en(de)/ vrouwe m(ar)griete(n) sijnre gesellinne(n) vande(n) voirs(creven) sake(n) nu(m)m(er)meer/ aen te spreke(n) te eyssche(n) te moeyen te dage(n) noch te vexe(re)n/ bi hem selve(n) oft [bi] yemant anders voir e(n)nige(n) richte(re) gheestelic/ oft wereltlic oft anders in e(n)nig(er) manie(re)n boys voshe(m) fe(bruarii) v/