It(em) na dien dat opten dach van huden comen sijn voe(r) de(n) vollen/ rade der stat van loeven die eerw(er)dighe he(re)n her jan de rike/ en(de) h(er) [meester] henrick vanden huffle canonicke(n) van ludick inden name der/ gemeynd(er) he(re)n en(de) cap(it)len d(er) kerke(n) van ludick in deen side ende/ jan gielijs van loxberghen in dande(re) daer de selve/ twee he(re)n deden opdoen en(de) segghen bi janne van ned(er)hem/ dat wae(re) waer dat de vors(creven) he(re)n nu onlanx inde banck tot/ hale(n) inden rechte aengesproke(n) souden hebben den vors(creven) janne gielijs/ om thiende te hebben van ene(n) bossche ghehete(n) den beecbossch/ gelegen bi loxberghe ond(er) de banck aldaer van halen Mer/ om den vors(creven) janne gielijs en(de) ene(n) yegelik(en) cost en(de) scade te v(er)huede(n)/ so wae(re)n sij bi vrienden also v(er)re ond(er)wijst dat sij en(de) de vors(creven)/ jan gielijs samentlic en(de) eendrechtichlic come(n) soude(n) bi den rade/ der stat va(n) loeve(n) en(de) [om] hen in beyden siden hae(re) bescheyt ald(aer) op te/ doen en(de) dat geschiet zijnde so wes dan de raet vand(er) stat
//
hen leren en(de) segge(n) souden wes vand(er) vors(creven) sake(n) recht wae(re)/ dat si dat in beyden siden sond(er) meer p(ro)cesse va(n) gedinghe in/ weerden en(de) voe(r) recht houden soude(n) En(de) de burg(er)meest(ere)n/ d(er) stat va(n) loeve(n) den p(ar)tijen in beyde(n) in beyde(n) [side(n)] vraeghde(n)/ of si houde(n) wouden elker p(ar)tijen bescheyt aengehoert/ tgheen des de raet vand(er) stat vand(er) vors(creven) saken voe(r)/ recht t(er)mine(re)n en(de) uutgeve(n) soude die dat in beyde(n) siden/ aenghinghen en(de) beliefde(n) En(de) dat geschiet zijnde dede/ de vors(creven) jan van ned(er)hem inden name vande(n) vors(creven)/ he(re)n wed(er) op seggende dat waer wae(re) dat de(n) vors(creven)/ beecbossch in tiden voirlede(n) wynnende lant geweest/ hadde en(de) dat de ploech d(aer) op gegaen hadde en(de) dat/ op die tijt de he(re)n vander kerke(n) van ludick vors(creven)/ hae(re) thiende vand(er) vruchte(n) die d(aer) op wies gehadt/ en(de) gehave(n) hadde du[te wete(n) den elfsten scoef] gelijc si die op ande(re) lande d(aer)/ neve(n) gelege(n) gehadt en(de) gehave(n) hadde(n) en(de) dat dat wae(re) waer/ dat boden de vors(creven) he(re)n inden [name] en(de) van wegen der vors(creven)/ cap(it)len en(de) kerke(n) van ludick te thoene(n) d met goede(n) ma(n)nen/ die si daer bid(er) hant hadden Op dwelc de vors(creven) jan/ gielijs antwerde en(de) seyde datme(n) te hale(n) en(de) daer omtrent/ gheen boschthiende gehaven en hadde noch dat hi ende/ sijn voerseten vanden vors(creven) bossche van ov(er) xx ov(er) xxx/ en(de) ov(er) xl jae(re) gheen thiende gegeve(n) en hadde(n) en(de) dies/ gedroegh hi hem aende getugen voe(r)gheruert Also dat/ de raet vand(er) stat de vier goede ma(n)ne daer hen/ beyde de p(ar)tijen voe(r)ghenoemt toe beroyden en(de) v(er)maten/ yerst hae(re)n eet solemplic daer toe gedaen v(er)hoerde/ die droeghen openbaerlic dat si gesien hadde(n) in tiden/ voe(r)leden en(de) dat hen claer en(de) kenlic wae(re) dat de(n) vors(creven)
//
bosch wynnende lant geweest hadde en(de) dat si d(aer) op hadde(n) sien/ eryen en(de) acke(re)n en(de) dat de he(re)n van sente lambrechts te ludick/ hae(re) thiende te wete(n) de(n) xi[sten] scoof d(aer) aff hieffen gelijc sij/ van ande(re)n lande(n) deden daer neve(n) gelege(n) Daer na droeghen/ si alse vand(er) and(e)re p(ar)tijen wege(n) dat hen niet kenlic en wae(re)/ datmen boschthiende ald(aer) gegeve(n) oft gheeyscht hadde en(de) dat/ si niet en hadde(n) gewete(n) datme(n) vande(n) bosch voe(r)s(creven) e(n)nige thiende/ van ov(er) xl jae(re) hadde gegeve(n) Heeft de raet vand(er) stat voe(r)s(creven)/ get(er)mineert voe(r) reden en(de) recht yerst gewegen thoe(n)nisse en(de) elk(er)/ p(ar)tijen bescheyt dat so wanneer men de(n) vors(creven) bosch v(er)coept/ dat dan de he(re)n vand(er) cap(it)len vors(creven) alse va(n) thiende(n) d(aer) af/ heffen en(de) boere(n) selen den elfsten pe(n)ninc En(de) als de vors(creven)/ jan gielijs oft sijn co nacomelinge de(n) vors(creven) bosch selve houden [en(de) houwe(n)]/ tot hae(re)n p(ro)fijte dat de vors(creven) he(re)n d(aer) af hebbe(n) sele(n) als/ van thiende(n) delfste hout het sij mutsart of ande(re) van/ dese(n) [dach] voert of vand(er) tijt dat dese(n) bosch nu in des(er) calangie(n)/ gestaen heeft Cora(m) lye(mingh)[en] cap(elle)[man] (et) aliis in pleno consilio/ maii xiii anno xxxv[to]/