Na dien dat de meye(r) van loeven inde banc voe(r) scepen(en) van loeve(n)/ aldaer aengesproken heeft [joncker] karle vand(er) ryvie(re)n sone tot ned(er)lynthre (et)c(etera)/ Seggende dat wae(re) es dat de voirs(creven) jonck(er) karle and(er)wile aenden/ kerhof tot loeven hadde doen daghen tot ludick henricke va(n)der calstre(n)/ den jonghe(n) mids dat hi na ons genedichs he(re)n heerlicheyt en(de) sijnre/ stat recht va(n) loeve(n) come(n) en(de) geleydt es tot de(n) goeden jonck(er) raes/ vand(er) ryvie(re)n brued(er) des vors(creven) jonck(er) karels en(de) Dwelc een sake wae(re)/ die tot hertoe nye gesien en hadde geweest en(de) mucht dat also/ geschien dat ne(m)m(er)meer man en soude tot sine(n) goede(n) niet dorren/ doen leyde(n) en(de) dat de vors(creven) jonck(er) karle den voirs(creven) henricke(n) also/ hadde doen daghe(n) dat boet de meye(r) va(n) loeven te thoenen en(de)/ mette(n) minsten (et)c(etera) Seggende de voirs(creven) meye(r) van loeven so wae(re)/ hi dat gethoene(n) const dat hi daer aen v(er)boert sal hebbe(n) twee/ weghe in cypers en(de) twee jae(re) daer in te wone(n) Ene(n) wech/ tsent jacobs en(de) ene(n) wech te romen of alsulke(n) bet(er)nissen als de/ scepen(en) wisen sele(n) met alrehande en(de) vele meer redene(n) die de/ vors(creven) meye(r) va(n) loeve(n) daer toe seyde Op dwelc de vors(creven)
//
jonck(er) karle hem v(er)antw(er)de seggende dat hem de vors(creven) aen/ sprake gheen ontstade doen en soude en(de) dat bi des(er) redene(n)/ yerst so en soudemen nu(m)m(er)meer bevijnde(n) dat de vors(creven) henric/ vand(er) calstre(n) ind(er) citatien genoemt stonde en(de) dat hi de(n) vors(creven)/ henricke(n) niet vord(er) en hadde doe(n) dagen anders dan of hi/ hem e(n)nichs rechts tot de(n) goede(n) van lynthre vermete(n) woude/ dat hi hem liet wete(n) dat hi dan sijn recht tot ludick woude/ v(er)antw(er)de(n) tot ene(n) seke(re)n daghe en(de) oft hi hem negheens rechts/ daer toe en v(er)mate so mocht hi thuys blive(n) Seggende voert/ al waert also dat hi de(n) vors(creven) henricke(n) tot ludicke hadde/ doen daghen So en soude hi nochta(n) na de blide incompst/ ons gened(ichs) he(re)n en(de) na de vonnisse(n) die beyde bide ma(n)ne van/ leene des selfs ons gened(ichs) he(re)n en(de) bide(n) scepen(en) va(n) loeven/ d(aer) op gewijst zijn daer aen niet gebroect hebben gemerct/ dat dese saken een sijn vande(n) iii poente(n) d(aer) af men tot ludic/ dage(n) mach en(de) oec na tgheen des biden rade vand(er) stat/ d(aer) toe geschiet wae(re) Want de vors(creven) jonck(er) karle tvors(creven)/ dage(n) voe(r) de stat te nyeute en(de) afgedaen hadde met/ meer redenen die de selve jonck(er) karle d(aer) toe dede/ seggen So heeft de meye(r) van loeve(n) hier op gemaent de/ scep(en)en va(n) loeven die de p(ar)tijen na de handelinge die/ d(aer) af voirmaels bid(er) stat geschiet wae(re) mette(n) vonnisse/ vand(er) vors(creven) sake(n) gesett en(de) gesteldt hebben inden rade/ vand(er) stat Welc raet vand(er) stat aengehoert alle/ tgheen des de scepen(en) va(n) loeve(n) hier af voe(r) hen bracht hebbe(n)/ ghet(er)mineert heeft voe(r) reden(en) en(de) recht dat yerst wael/ gheweghe(n) alle saken voirscr(even) Dat de vors(creven) joncker/ karle ongehouden sal zijn van alsulk(er) aenspraken als de/ meye(r) va(n) loeve(n) ind(er) vors(creven) saken tot hem w(er)t gedae(n) heeft/ Cora(m) lyemi(n)ghen capellema(n) burg(i)mag(ist)ris cu(m) pleno/ consilio lov(aniensis) anno xiiii[c] xxxiiii decembr(is) xxii/