It(em) es vorw(er)de alse vande(n) vi mudde(n) tarwen erflex pachts/ voirscr(even) gevielt also dat willem va(n) waelhove(n) vors(creven) in e(n)nige(n)/ tiden toecomende in gebreke wa(r)e vandt alsulk(er) pachtinge(n) en(de)/ vorw(er)den die jan merten van me[y]lhem aengenome(n) en(de) gemaect heeft/ vande(n) goede(n) des vors(creven) willems tot walschbeetse gelege(n) die de/ vors(creven) jan merten in pachtinge(n) jege(n) de(n) selve(n) wille(m)me genomen/ gelijc een instrument d(aer) op gemaect getekent bi h(ere)n henricke(n) do(m)mel/ priest(er) notarijs (et)c(etera) volcomelic begrijpt dat hi dat gebreck aende/ vors(creven) vi mudde tarwen ter goed(er) meyninghe(n) en(de) sond(er) argelist neme(n)/ en(de) v(er)hale(n) sal En(de) als de vors(creven) pachti(n)ge uut es en(de) de vors(creven) willem/ d(aer) af volcomelic v(er)nueght sal sijn so is vorw(er)de dat de vors(creven) jan/ of sijn nacomeli(n)ge dan de brieve vande(n) vors(creven) vi mudde tarwen/ wed(er) hebbe(n) selen altoes sond(er) argelist k(er)smake(re) voshem dec(embris) xxiii