Op tversueck dat voe(r) den rade vand(er) stat deden arnt van kessele/ en(de) wout(er) keyenoghe die geleydt sijn tot de(n) goeden claes pontene(re)/ als datmense houde(n) woude In hae(re)n beleyde vande(n) goede(n) die wae(re)n/ en(de) sijn souden des vors(creven) claes en(de) nu bleve(n) en(de) v(er)storve(n) ziin vand(er) doet/ jans wile(n) hertshals Daer op de maghe en(de) vriende van lyevijn/ des vors(creven) claes sone die hi hadde va(n) [wile(n)] joffr(ouwe) m(ar)griete(n) docht(er) des/ vors(creven) wile(n) jan hertshals [sin(en) wive] alrehande va(n) (con)trarien seyden en(de) v(er)sochte(n)/ datmen den vors(creven) kijnde sijn vliegende erve en(de) ande(re) erfgoede die/ hem nu na de doet des vors(creven) wile(n) jans sijns oudervaders bleve(n) zijn/ woude doen volghen Heeft de raet vand(er) stat get(er)mineert dat/ tvoirs(creven) vliegende erve en(de) ande(re) erve also v(er)re als dat de(n) vors(creven)/ kijnde gelijc voirs(creven) is v(er)storve(n) is den vors(creven) kijnde volge(n) sal/ want d(er) stat meyninghe niet en is dat de vors(creven) claes pontene(re)/ oft yemant anders dat v(er)copen oft qualic sal mogen doen vae(re)n/ cora(m) lyemi(n)gen cap(elle)[man] burg(i)mag(ist)ris et q(uam) plu(r)ibus aliis/ de consilio des goensdaeghs xxiii daghe in februar(ii)/