Cond sij allen lieden dat jan mozevoet van conticke in jegenwordich(ei)[t]/ d(er) scepen(en) van loeve(n) gestaen heeft genome(n) en(de) bekendt dat hi genome(n)/ heeft vande(n) p(ri)ore en(de) convente des godshuys van gruenendael in zonien/ de goede hier na bescreve(n) [geheten de goede van papendonk inden haeck inde p(ro)chie va(n) conthicke gele(gen)?] inden yersten een bloc lants geheyte(n) doststuck /[houdende vijf dachwant] gelegen inde p(ro)chie van conticke neven de goede gielijs me(n)nekens It(em)/ drie boende(r) en(de) een half en(de) tneghentich roeden en(de) een halve lants/g daer de huysinghe op plagen te staen gelege(n) [vo(re)] alse naist den/ goeden voirscr(even) neven de papendonck strate te twee siden It(em) een/ bloexken lants houdende een dachmael gehete(n) papendonck gelege(n)/ neven de goede voirs(creven) over dander side vand(er) papendonck strate(n)/ It(em) iii dachmael en(de) neghen roede(n) ond(er) beemde en(de) eeusel geheten/ den bekart gelege(n) neve(n) de goede voirscr(even) It(em) viedalf vier/ dachmael en(de) een half en(de) een roede beemds gelege(n) bide vors(creven) goede/ en(de) bi dbosch gehete(n) den herds morter des vors(creven) godshuys va(n) gruene(n)dael/ comende metten eynde aende(n) noytens houwe Te houden te hebben/ en(de) te wynnen van half merte naest comende ene(n) t(er)mijn va(n) neghen/ ja(r)en lanc duerende deen na dander d(aer) na sond(er) myddel volge(n)de/ elx jaers daer en bynne(n) om thien oude rijnssche gulden(en) van/ goude goede en(de) gheve en(de) om seven veerdelen rogs en(de) een half/ goed en(de) payabel met wanne en(de) met vede(re)n wael bereydt der/ maten van mechele(n) en(de) om vier capuyn alle ja(r)e den vors(creven) t(er)mijn/ duerende te kerssavonde te betale(n) en(de) te mechele(n) te leve(re)n den/ vors(creven) p(ri)oer of brued(er) mae thomaes van pale convers des vors(creven)/ godshuys of e(n)nige(n) van hen bringe(r) des briefs en(de) telke(n) t(er)mijn/ alse v(er)volghde schout Ite(m) es vorwerde dat de vors(creven) jan jaerlex/ hier en bynne(n) betale(n) sal alle de(n) tsijs en(de) co(m)mer uut de(n) vors(creven)/ goeden gaende en(de) oec alle de(n) tsijs en(de) co(m)mer gaende uut enen/ bosch daer neve(n) gelege(n) dwelctselve [tvors(creven)] godshuys selve behelt/ sond(er) cost en(de) scade des vors(creven) godshuys en(de) sond(er) afslach d(er) rente(n) voirg(eruert)/ uutgenome(n) tshe(re)n core die tselve [tvors(creven)] godshuys selve drage(n) sal It(em)/ en sal de vors(creven) jan negheen h opgaende hout moge(n) afhouwen/ noch negheen bome truncken die niet getrunct en sijn geweest/ en(de) alle dweechout mach hi houwe(n) en(de) truncke(n) alst hem gelieft
//
en(de) daer mede beheyme(n) en(de) luken de goede vorscr(even) sgoets/ meeste(n) p(ro)fijt uutgenome(n) dat hi inde leste drie ja(r)e vande(n)/ vors(creven) t(er)mijne half de truncgheerden opte vors(creven) goede sal/ laten staen drie ja(r)e out en(de) dand(er) helecht een jaer/ out uutgenome(n) oec dat hi de tr alboem niet truncke(n) en sal/ It(em) sal de voirs(creven) jan opte vors(creven) goede bynnen den yersten/ twee ja(r)en setten hondert eyken planten greeps grote/ en(de) hondert willigen pothen [poten] goede en cusbaer en(de)/ vijftich albome poten en(de) die houden wassende vier/ jaer lanc sond(er) argelist en(de) alle dese voirs(creven) vorw(er)den en(de)/ punte(n) v bove(n) ghescr(even) heeft geloeft de vors(creven) jan den/ vors(creven) p(ri)oer en(de) convente geloeft wel en(de) volcomelic/ te voldoen telken t(er)mijne[tallen tide(n)] als si valle(n) en(de) v(er)schine(n) sele(n)/ en(de) telke(n) t(er)mijn alse v(er)volghde schout lombart/ absoloens martii vii