Cond sij allen lieden dat wout(er) de man is come(n) in jegenwordicheit/ d(er) scepen(en) va(n) loeve(n) en(de) heeft genomen en(de) bekendt dat hi genome(n) heeft/ van henricke(n) vand(er) calstren thof des selfs henrics gelege(n) te lynden/ mette(n) huysen hoven wynnenden landen beemde(n) en(de) eeusele(n) met sijnre/ toebehoirte(n) uutgenome(n) dwuwerken gelegen aenden dijck aldaer [en(de) een half boend(er) lants gehete(n) poelmans bloexken en(de) een dach(mael) lants gelege(n) ond(er) den rondenbosch] d(aer) in/ de vors(creven) wout(er) niet rechts hebbe(n) en sal Te houden te hebben en(de) te wynne(n)/ van half merte naist comende ene(n) t(er)mijn van neghen ja(r)en lanc duerende/ deen na dand(er) d(aer) na staphans volgende elx jaers daer en bynnen op/ de helecht van alle de vrucht opte vors(creven) goede jaerlex wassende En(de)/ toexst als die rijp en(de) tijtverdich is so sal de vors(creven) wout(er) des voirs(creven)/ henrics helecht in sijn schuer ald(aer) vuere(n) eer hi tsijn rue(re)n oft invue(re)n/ mach It(em) sal de voirs(creven) wout(er) tvoirs(creven) half boend(er) lants gehete(n) poelmans bloexke(n)/ den voirs(creven) henricke(n) jaerlex wynne(n) eryen en(de) besayen d(aer) toe de selve/ henric hem d(en) saet [en(de) mest] leve(re)n [sal] It(em) sal de vors(creven) wout(er) de vors(creven) henricke(n)/ jaerlex hie(re)n bynne(n) gheve(n) en(de) betale(n) vanden beemde(n) en(de) eeusele(n) voirscr(even)/ eenen(de) twintich gulden cronen d(er) mu(n)ten skoninx van vrancr(ijk) goet van/ goude en(de) swaer van gewichte tsente mertens misse te betalen en(de)/ telken t(er)mijn alse v(er)volghde schout It(em) sal de voirs(creven) wout(er) de huysinghe/ ald(aer) wel en(de) loflic houden vand(er) underster rikelen ned(er)waert En(de) de / selve wout(er) sal de vors(creven) henricke(n) jaerlex int vors(creven) hof leve(re)n tseventich/ mandele(n) walme(re) goede en(de) cusbaer en(de) als men die ald(aer) v(er)dect plect/ oft ty(m)mert van ouden werke d(aer) af sal de vors(creven) henric dachhue(re)n/ betalen en(de) de vors(creven) wout(er) sal den werkliede(n) den montcost gheven/It(em) [En(de)] alsmen int vors(creven) hof [tvors(creven)] tcoren derscht so sal de vors(creven) wout(er) den/ derscher vueden dair voe(r) hi hebben sal caf en(de) criensen en(de) de vors(creven)/ henric sal de dachhue(re)n betale(n) It(em) sal de vors(creven) wyn den vors(creven) henricke(n)/ sijn helecht vanden vors(creven) coren als dat gedersschen sal sijn jaerlex/ tot loeve(n) leve(re)n de vors(creven) t(er)mijn duerende It(em) selen de vors(creven) henric en(de)/ wout(er) alle doeft inde bogarde ald(aer) jaerlex wassende deyle(n) en(de)/ hebben half en(de) half en(de) de selve wout(er) sal des vors(creven) henrics helecht/ tot loeven leve(re)n hier in uutgenomen doeft jaerlex wassende inde(n) bogart/[gehete(n)] bellens bogart daer in de vors(creven) wout(er) niet rechts hebben en sal/ en(de) alsmen tvoirs(creven) oeft leest so sal de vors(creven) wout(er) den lesers de/ montcost gheven It(em) sal de vors(creven) wout(er) de vors(creven) henricke jaerlex/ dienen met sine(n) p(er)de(n) en(de) waghen twelf vaerde en(de) [hem] twee verken/ houden gelijc den sinen sonder mest It(em) selen de vors(creven) henric
//
en(de) wout(er) jaerlex deyle(n) en(de) hebbe(n) alle trunchout dat vanden/ boemen aldaer vallen sal en(de) de vors(creven) wouter sal de(n) vors(creven) henricke(n)/ sijn helecht te loeven bringhen It(em) sal de vors(creven) wyn de vors(creven)/ goede wel en(de) loflic wynnen en(de) w(er)ven gelijc sine(n) reengenote(n)/ boven en(de) beneden en(de) die laten ten eynde vande(n) vors(creven) t(er)mijne/ gelijc hi die vant tot sine(n) aencomen te wete(n) den wynt(er)aert/ houdende ix boende(r) luttel min oft meer besayt met wynt(er)coren/ op vier getideghe voren de storte op een voer en(de) de brake/ geheel En(de) alle dese vorw(er)den punte(n) en(de) condicie(n) boven bescr(even)/ heeft geloeft de vors(creven) wout(er) de(n) vors(creven) henricke(n) wel en(de) volcomelic/ te voldoen en(de) te betale(n) en(de) tallen tide(n) als si valle(n) en(de) v(er)schine(n) sele(n)/ en(de) telken t(er)mijn alse v(er)volghde schout En(de) hier af sijn borghe(n)/ des vors(creven) wouters alse p(ri)n(cipa)[le] sculde(re)n ongesundert en(de) ongescheide(n)/ anthonijs de man sijn brued(er) en(de) lambrecht golijs dieme(n) heet/ van loen van lynde(n) de welke de vors(creven) wout(er) hier af/ geloeft heeft scadeloes en(de) co(m)merloes te houden en(de) tontheffen/ absoloens voshem martii viii