SAL7728, Act: V°172.2 (156 of 375)
Search Act
previous | next
Act V°172.2  
Act
Date: 1434-12-09

Transcription

2020-01-14 by Frans Feyaerts
Dese goedinghe en(de) mechtich maken vand(er) have(n) staphans/
voirscr(even) sijn gedaen op dese voeghe en(de) manie(re) waert/
also dat de voirs(creven) arnt schute betaelt en(de) v(er)nueght wordt/
van alsulke(n) xxxix pont grote(n) vleemsch ghelts nu gemeynlic/
in vlaende(re)n in bursen gaende als de vors(creven) gielijs vande(n)/
assche en(de) raes vanden hornock hem sculdich sijn op ten/
derden dach van meye naest comende te betale(n) dat/
dan beyde goedinghe en(de) mechtich make(n) vand(en) have(n) voirscr(even)/
te nyeute en(de) van gheenre werden sijn en selen Mer/
waert also dat de selve arnt vand(er) so(m)men gelts vors(creven)/
ten t(er)mijn voirs(creven) niet betaelt noch v(er)neught en worde/
dat dan de vors(creven) arnt hem altoes ter goed(er) meyninge(n)/
metten vors(creven) goeden beyde have en(de) erve also v(er)re be/
helpen sal die te v(er)copen en(de) te v(er)ande(re)n tot dat hi/
vand(er) selv(er) so(m)men gelts betaelt en(de) voldaen sal sijn/
En(de) hier op selen de vors(creven) brieve ond(er) de clerken blive(n)/
ligghe(n) ind(er) mate(n) als vorscr(even) steet sond(er) argelist/
eisde(m)
ContributorsMi-Je Van Gils
Moderated byMi-Je Van Gils
Last update: 2016-02-09 by xavier delacourt