SAL7728, Akte: V°190.3-V°191.1 (175 van 375)
Akte V°190.3-V°191.1
Act
Transcriptie
2015-01-11 door Inge MorisIt(em) hier sijn come(n) in recht voe(r) meye(r) en(de) scepen(en) van/
loeven inde banc aldaer jan wout(er)s van va wonende/
te ghene(n)b(er)ghe bi diest in deen side en(de) gorde heyme die/
na den rechte der stat van loven comen ende geleidt is/
totten goeden arnts van strijrode en(de) jan teys in dande(re)/
daer de voirs(creven) jan wouters een aensprake dede vanden/
goeden h(ier) na bescreven Inden iersten van eenen huyse/
en(de) hove met sijnre toebehoirten gelegen onder de banck/
van caggevenne tuschen de goede des voirs(creven) arnts van/
strijrode en(de) de goede henrix vanden goedenhuyse Item/
van eenen bloke lants geheten roetershoeve block gelege(n)/
aldaer opte roetershoeve tuschen de goede des voirs(creven) arnts/
van strijrode en(de) de goede jan meynarts Item van (½) boender/
lants gelegen aldaer tuschen de goede des voirs(creven) jan teys en(de)/
de goede peter vloeghs Item van eenen bosschelken gehete(n)/
tvenne gelegen aldaer tuschen de goede matthijs vand(en)/
schoenderbueken en(de) neven dbosch des heerscaps van dyest/
Item van (½) boender onder bosch en(de) eeussel gelegen aldaer/
tuschen de goede henric coenraets en(de) der goede des
//
voirs(creven) matthijs van muelstede en(de) oec neven de h(er)strate ald(aer)/
Item van i(½) zillen onder bosch ende eeussel gelegen aldaer/
tuschen de goede jan bovens en(de) de goede des co(m)mendoers/
van beckevoert Seggen(de) de voirs(creven) jan wouters dat henric/
wilen wouters en(de) m(ar)griete wilen sijn wijf vader en(de) moeder/
des voirs(creven) jan wouters de voirs(creven) goede bezaten als hue(re) wittich/
erve en(de) dat de selve wilen henric daer uut sterf als/
uut sinen wettighen erve en(de) dat sij onder hen beiden achter/
lieten vier wettighe kijnde(re) te weten den voirs(creven) janne wout(er)s/
m(ar)grieten die wijf es des voirs(creven) arnts van strijrode en(de)/
katlinen die wijf es des voirs(creven) jan teys en(de) een wilen heylwijc/
dwelc hij boet te thoenen en(de) also thoende Ende seide/
voert dat de voirs(creven) wilen heylwijch sijn zuster hem in huer/
kyntsgedeelte vanden voirs(creven) goeden als een erfwijs metter/
voirs(creven) wilen m(ar)grieten hue(re) moeder als een tochtersse na des/
voirs(creven) wilen henrix doot voer scepen(en) van caggevenne met/
allen hofrechte gegoedt en(de) geerft hadde en(de) dat boet de/
voirs(creven) jan wouters te thoenen het ware met scepen(en) brieven/
van caggevenne en(de) met scepen(en) van caggevenne oft met/
alzulker waerh(eit) als hij d(aer) toe gec(ri)gen conste gelijc hij dat/
yerst en(de) voer thoende met eenen scepen(en) brieve van cagge/
venne En(de) daer na droeghen en(de) tuyghden hem twee/
scepen(en) vand(en) banc van caggevenne dat sij biden voirs(creven) scepen(en)/
brieve bleven en(de) dat dien brief met allen pointen en(de)/
articlen na hue(re) banc recht gemaect gedaen en(de) gesciet/
wae(re) met alrehande ande(re)n thoenissen en(de) waerheiden en(de) oec/
meer reden(en) die de selve jan wouters aldaer leydde en(de)/
seggen dede Op dwelc de voirs(creven) gord heyme hem/
v(er)antwerdde en(de) dede seggen dat hem [en(de) sinen beleide] die aensprake/t(er) egheen onstade doen en soude want al waert also
//
dat de voirs(creven) jan wouters int voirs(creven) kyntsgedeelte gegoedt/ mocht sijn so bleef nochtan de voirs(creven) wilen m(ar)griete/ de voirs(creven) goede hue(re) leefdage langc besitten(de) en(de) hant/ plichten(de) Ende so en was die guedinge d(aer) o(m)me/ maer een ydel ghichte oec so en was de voirs(creven)/ wilen heylwich uut hue(re) moed(er) broede niet gedae(n)/ mids den welken de selve guedinge oec van/ gheenre weerden en es Ende seide voert de/ selve gord dat de voirs(creven) heylwijch aflivich waert/ voer der voirs(creven) wilen margrieten hue(re) moeder/ en(de) dat de voirs(creven) jan teye en(de) arnt van strijrode/ wettighe wijve hadden die wettighe zuste(re)n sijn en(de)/ wae(re)n der voirs(creven) wilen heylwigen en(de) jan woute[r]s/ En(de) dat dit waer is dat boet de voirs(creven) gord/ te thoenen Seggen(de) so waer hij dit gethoenen/ conste dathij [hem] inden name vanden voirs(creven) jan teye/
en(de) arnts van strijrode als momboir hue(re) wijve hue(re)/
kijntsgedeelte int kyntsgedeelte der voirs(creven) heylwige(n)/
vanden voirs(creven) goeden volgen sall Daer op de selve/
gord oec alrehande thoenisse leydde also dat/
ten eynde de meye(r) van loven maende de scepen(en)/
van loven die wijsden voer een vo(n)nisse dat den/
voirs(creven) janne wout(er)s der voirs(creven) wilen sijnre zuster/
kyntsgedeelte inde voirs(creven) goede volgen sall also v(er)re/
alst noch voe(r) scepen(en) van loven comen es cor(am) lomb(ar)t/
k(er)smake(re) vynck boys voshem dec(embris) xxiii/
//
//
dat de voirs(creven) jan wouters int voirs(creven) kyntsgedeelte gegoedt/ mocht sijn so bleef nochtan de voirs(creven) wilen m(ar)griete/ de voirs(creven) goede hue(re) leefdage langc besitten(de) en(de) hant/ plichten(de) Ende so en was die guedinge d(aer) o(m)me/ maer een ydel ghichte oec so en was de voirs(creven)/ wilen heylwich uut hue(re) moed(er) broede niet gedae(n)/ mids den welken de selve guedinge oec van/ gheenre weerden en es Ende seide voert de/ selve gord dat de voirs(creven) heylwijch aflivich waert/ voer der voirs(creven) wilen margrieten hue(re) moeder/ en(de) dat de voirs(creven) jan teye en(de) arnt van strijrode/ wettighe wijve hadden die wettighe zuste(re)n sijn en(de)/ wae(re)n der voirs(creven) wilen heylwigen en(de) jan woute[r]s/ En(de) dat dit waer is dat boet de voirs(creven) gord/ te thoenen Seggen(de) so waer hij dit gethoenen/ conste dat
Nagekeken door: Kristiaan Magnus , Jos Jonckheer , kristiaan magnus , Jos Jonckheer
Moderator: Jos Jonckheer
Laatste update:: 2014-02-07 door Kristiaan Magnus