It(em) van alsulke(n) vijf dachmale(n) lants gelege(n) te molenbeke opte(n) wivelpoel/ tusschen de strate gaende va(n) molenbeke te loeve(n) w(er)t in deen side en(de)/ de goede stas vand(er) ijsvoert in dande(re) en(de) mette(n) ene(n) eynde/ comende aen tpedeken d(aer)men gheet van molenbeke t(er) kerke(n) aldaer/ en(de) mette(n) ande(re)n eynde comende aende goede willems mas d(aer) af/ een gedinge voe(r) meye(r) en(de) scepen(en) van loeven nu geweest is tussche(n)/ lambrechte vande(n) haeghdore(n) die geleydt is tot d(en) goeden/ peters wilen van wersbeke dieme(n) hiet vande(n) haeghdo(r)en (et) sijns/ vaders in deen side en(de) de(n) vors(creven) wille(m)me mas als mombour
//
joffr(ouwe) ysabele(n) vande(n) moelkene sijns wijfs in dande(re) In welke(n) gedinge(n)/ de vors(creven) wille(m) tot sinen behoude vande(n) vors(creven) goede(n) gewijst waert/ dwelc hi ter stont ten daghe hem daer toe getekent dede in desen/ woerden dat sine(n) voirseten de voe(r)s(creven) goede ov(er) xxx ja(r)e en(de) daghe/ gehadt en(de) beseten hadde als hae(r) p(ro)per erve en(de) dat dat noch als/ mombour sijns wijfs sijn p(ro)per erve wa(r)e en(de) dit hielden met hem/ in behoirliker vormen jan vande(n) goedenhuyse en(de) jan vande(n) peyne/ cora(m) lomb(ar)t absoloens k(er)smake(re) boys voshem januarii xx[a]