Van woute(re)n luyten/ Item jan peter van hoeghstrate(n) van arscot es come(n) in jeg(enwoirdicheit)/ der scepen(en) van loeven(en) ende heeft gelooft op sijn lijf ende/ op sijn goet en(de) op zoonbreke te sijn dat hij om negheen/ rehande zaken wille die gesciet sijn tusschen hem in deen/ zijde ende woute(re)n luyten van gheele in dande(re) den selve(n)/ woute(re)n ne(m)mermeer wangonst hatye veede noch vyantscap/ dragen noch doen en sal dage(n) noch moeyen bute(n) lands noch/ te campe eysscen hem crenke(n) noch hijnde(re)n aen lijf noch aen/ goede bij hem selve(n) noch bij nyema(n)de anders in gheenre/ manie(re)n Bekenne(n)de ende verlyende de voirscr(even) peter van/ hoeghstraten soe wair hij hier teghen dade dat hij sijn/ soude peysbreke en(de) zoonbreke ende verboirt hebbe(n) sijn lijf ende sijn/ goet onder wat he(re)n of gerichte hij vonde(n) soude(n) werden cor(am)/ abs(oloens) kersmak(er) ja(nuarii) xx/