Item peter van muyswinckel van leefdale [stertbeke] in ieg(enwoirdicheit) der scepen(en)/ van loven gestaen heeft genomen en(de) bekent dat hij genomen/ heeft van vrouwe vanden proviseuren en(de) momboe(re)n en(de) meest(er)sse(n)/ vanden groten gasthuyse van loven inden name en(de) van wegen/ des selfs gasthuys sesthien boenre wynnends lants luttel myn/ oft meer inde p(ro)chie van leefdale gelegen met eenen stucke/ beemts gelegen inde prochie van nederijssche gelijc wouter van/ schore van leefdale die goede aldaer te wynnen plach Te/ houden te hebben en(de) te wynnen vanden iersten dage van/ meye nu neestleden enen t(er)mijn van sesse jae(re)n langc deen/ na dander eenp(er)lic volgende elx jaers hie(re)n bynnen op/ xi mudde rox goit en(de) payabel der maten van loven met/ wanne en(de) met veede(re)n wael bereyt tsente andries misse/ appostels te betalen en(de) te loven te leve(re)n alle jae(re) den voirs(creven)/ t(er)mijn due(re)nde en(de) telken t(er)mijne als v(er)volghde schout voert/sall de voirs(creven) wynne jairlix den voirs(creven) t(er)mijn due(re)nde den/voirs(creven) gasthuyse vanden voirs(creven) beemde Item es vurweerde/ dat de voirs(creven) wynne jairlix den voirs(creven) t(er)mijn due(re)nde betalen/ sall den chins uut den voirs(creven) goeden gaende also dat den voirs(creven)/ gasthuyse daer af gheen schade en come dwelc hem afslach/ doen sall aen den pacht voirscr(even) En(de) de voirs(creven) wynne sal/ de voirs(creven) lande bynnen den voirs(creven) t(er)mijn eens wael en(de)/ custbaerlic overmesten ende de voirs(creven) lande wynnen en(de)/ werven wael en(de) loffelic gelijc sinen reengenoten boven en(de)/ beneden en(de) die laten ten eynde vanden voirs(creven) t(er)mijn dats/ te weten den wint(er)art met rogge besaeyt op vier getidige/ voren en(de) den zom(er)art met eeven(en) [have(re)n] op een vore ende de/ brake geheel en(de) de voirs(creven) wynne en sall de voirs(creven) lande/ niet moghen huervruchten bynnen den lesten drie jaren/ En(de) alle dese vurw(er)den (et)c(etera) borch(oven) abs(oloens) julii xvi