SAL7729, Act: R°154.3 (146 of 362)
Search Act
previous | next
Act R°154.3  
Act
Date: 1435-09-26
LanguageNederlands

Transcription

2020-01-31 by kristiaan magnus
Van h(e)r(e)n wout(ere)n leenay/
Item want stoet ende geschille opv(er)resen sijn tusscen ja(n)ne vande(n) heetvelde/
soen h(e)r(e)n willems wilen vanden heetvelde ridders in deen zijde en(de) den/
voirs(creven) h(e)r(e)n woute(re)n in dande(re) rue(re)nde en(de) come(n)de van alsulken thien croen(en)/
erflek(er) renten die vrouwe johanne vande(n) heetvelde wedewe h(e)r(e)n/
jans wilen boxhoe(re)ns ridders anderwile voir meye(r) en(de) scepen(en) van/
loven(e) gewo(n)nen heeft tegen den voirs(creven) janne vanden heetvelde/
op alsulke thien mudde rogs der mate(n) van bruessel erflix pachts/
die de selve jan jairlix heeft op de goede van dyelbeke toebehoe(re)nde/
der voirs(creven) vrouwe johanne(n) en(de) die hij voirmaels v(er)crege(n) hadde/
jegen joffr(ouwe) alite(n) vande(n) heetvelde suster der voirs(creven) vrouwe joha(n)nen/
(et)c(etera) Dair aff beyde de p(ar)tien come(n) sijn voir den raide vand(er) stat/
van loeven(e) elc sijn besceidt aldair opdoende d soe dat/
dair om ten eynde de selve p(ar)tijen also verre onderwijst sijn/
dat sij der stat geloeft en(de) toegeseeght hebbe(n) te wete(n) de/
voirs(creven) jan dat hij tvoirs(creven) x mudde coe(re)ns neme(n) sal in mynd(er)nissen/
der so(m)men van iii[c] en(de) lxxx peters gelijc die tot bruessel ghe/
meynlic nae lantcoep aldair ghelden Op alsoe datme(n) hem de/
voirs(creven) x crone(n) erflek(er) rente(n) diesgelijx nae lantcoep afcorten sal/
en(de) h(ier) op sal de voirs(creven) h(er) wout(er) den coop(er) van sijne(n) huyse genoegh doen/
kersmake(re) voshem burgim(a)g(ist)ris (et) q(uam)plu(r)ib(us) aliis de consilio sept(embris) xxvi
ContributorsKarel Embrechts
Moderated byKarel Embrechts
Last update: 2016-06-06 by Agata Dierick