It(em) es gevorwart datme(n) der voirs(creven) marien den voirs(creven) brief altijt gheve(n) sal alse/ hoir gelieft mair heeft geconsenteert wairt also dat sij van live ter/ doet quame datme(n) dan den voirs(creven) iii p(er)sone(n) den voirs(creven) brief ov(er)gheve(n)/ sal oft den ene(n) van hen om dair mede te behelpen den [hoe(re)n] natuerliken/ kijnde dair sij nu mede bevrucht es dat hem alle d(er) voirs(creven) marien/ goede volge(n) moege(n) en(de) anders niet En(de) wairt also dat tselve kijnt/ storve dat dan van gheenre weerden sijn en sal d tgheene dat/ met dese(n) brieve gewracht worde soude sijn sond(er) argelist/ cor(am) eisd(em)