Cond sij allen lieden dat henric van landene(n) wonende te roesbeke/ es come(n) in jegenwordicheyt d(er) scepen(en) van loeve(n) en(de) heeft genome(n)/ en(de) bekendt dat hi genomen heeft [van pete(re)n gorijs die des vande(n) eerw(er)dighe vad(er) in gode den abdt en(de) sijn convent des godshuys van sente cornelijs mu(n)ster opter ynden openbaerlic gemechticht is] vanden eerw(er)digen vader in gode/

m(ijn) he(re) de(n) abdt en(de) sine(n) convente van sente cornelijs mu(n)ster opter/

ynden boven aken de grote [thiende] van roesbeke [met haerre toebeh(oirten)] gelijc die den selve(n) he(re)n/ ald(aer) toebehoert Te houden ende te hebben van half merte naest come(n)de/ ene(n) t(er)mijn van twelf jae(re)n lanc deen na dand(er) d(aer) na sond(er) myddel volgen(de)/ elx jaers daer en bynne(n) om drie en(de) viertich mudde hards corens alsulcs/ als vand(er) voirs(creven) thiende(n) jaerlex comen sal [goet en(de) payabel] met wa(n)ne en(de) met vede(re)n/ wael bereydt sond(er) zeven oft subtijlheyt d(aer) toe te besighe(n) d(er) maten/ van van thiene(n) Te weten sesse halster d(er) selv(er) maten voe(r) elc mudde/ hards corens gerekent alle jae(re) [hie(re)n bynne(n)] half tsente andries te kersmisse en(de)/ dand(er) helecht tons(er) vrouwe(n) lichtmisse te betale(n) en(de) tot cumptich/ opten spijker d(er) selver he(re)n ald(aer) of bynne(n) d(er) stat van thienen/ daert de(n) vors(creven) he(re)n oft hae(re)n seke(re)n bode(n) des gemechticht zijnde best/ genuege(n) sal [op cost en(de) last des selfs henrics] te leve(re)n en(de) telken t(er)mijne alse v(er)volghde schout en(de) gevielt/ also dat de vors(creven) henric de so(m)me vande(n) coren voirscr(even) met harden coren/ d(er) voirs(creven) thiende(n) niet valleue(re)n en conste dat hi dan met gelike(n) corne als/ op dat jae(r) van thiende(n) comen sal en(de) d(aer)mede hi begonne(n) sal hebbe(n) te/ betale(n) valleue(re)n en(de) betale(n) sal moge(n) It(em) sal noch de vors(creven) henric alle/ jae(re) de(n) vors(creven) t(er)mijn duerende ter plaetsen daer hi tvors(creven) core(n) leve(re)n/ sal op sinen cost brenge(n) en(de) leve(re)n twee hondert cusbaer walme(re)/ en(de) hier af sijn borghe(n) des vors(creven) henr(ix) van landen(en) alse p(ri)n(cipae)[le]/ sculde(re)n ongesund(er)t en(de) ongescheide(n) lodewijc vande(n) steen de [van] roesbeke/ wille(m) van couthem sijn swag(er)s [en(de)] jan van couthem sone arnts/ wile(n) va(n) couthem de welke de vors(creven) henr(ic) hier af geloeft/ heeft scadeloes te houde(n) en(de) tontheffen hug(ar)de(n) naen ap(ri)l(is)/ xxvi