It(em) van alsulken stoote en(de) gescille als geweest sijn tusscen/ gheerde swalscen van turnhout in deen zijde ende janne roela(n)ts/ gehete(n) vier scellinc d van glymez in dander van alrehande/ gelde dat de selve p(ar)tien malcande(re)n eysschende sijn en(de) voirt/ van allen ande(re)n geschille dat sij deen den ande(re)n eyssce(n)de/ sijn soe sijn de selve p(ar)tien des come(n) voir scepen(en) van loven(e)/ en(de) hebbe(n) hen vande(n) voirs(creven) stoote gekeert en(de) sijn des bleve(n)/ in segge(re)n ende vrientlic yffene(re)n Te wete(n) de voirs(creven) gheert/ swalschen in janne van udekem gielise dierix en(de) janne/ / baten ende de voirs(creven) jan roelants in janne coulon d(er) stat/ knape van lov(en) alarde mathijs en(de) floerken de vissche(re) in/ alsulk(er) vuege(n) dat de voirs(creven) vi segge(re)n beyder der p(ar)tien besceit/ aengehoirt dwelc sij in beyde(n) sijden doen [ov(er)geve(n)] selen hoir segge(n)/ dair af seggen en(de) uutgespreken selen bynne(n) xiiii nachte(n)/ naestcomen(de) en(de) dat mette(n) meesten gevolge doir gaet/ dat sal van weerden gehoude(n) worde(n) Ende es oec vorw(er)de/ wairt dat e(n)nig(er) p(ar)tien segge(re) gebrake dat die ene(n) gelike(n) man/ in die stat sal moegen neme(n) sond(er) argelist ende hebben/ geloeft beyde de p(ar)tien voirs(creven) vast en(de) gesteedich te houde(n)/ soe wes de voirs(creven) vi segge(re)n eendrechtichlic oft dmeeste/ gevolgh van hen segge(n) en(de) uutspreken sele(n) sond(er) argelist/ wit(te)[ma(n)] naen aprilis xxviii