Van janne wellens van tong(er)lo/ en(de) mauritius van oecle/ It(em) van alsulken stoet als jan vand(er) maeldonc die geleydt is tot/ den goeden mauritius van oecle uutstaende heeft met janne wellens/ van tong(er)lo alse van v(er)sterffenisse van goede(n) die v(er)storve(n) en(de) bleve(n) zijn/ na de doet gheerts wilen van myerde die een jan wilboerts [van lichtert] tegen/ de(n) vors(creven) mauritius gecocht en(de) gecrege(n) heeft daer af de p(ar)tijen beyde voe(r)/ scepen(en) van loeven yerst en(de) d(aer) na bide(n) vo(n)nisse d(er) scepen(en) van loeven gesett/ wae(re)n voe(r) scepen(en) van lichtert en(de) d(aer) af ten v(er)sueke des vors(creven) jans vand(er)/ maeldonc uut macht van sine(n) voirs(creven) beleyde wed(er) voe(r) de stat va(n) loeven/ ingescreve(n) zijn om i(½) mott(oen) wille die de vors(creven) jan vand(er) maeldonc/ mette(n) vors(creven) beleyde meynde te hebbe(n) en(de) die ond(er) de scepen(en) va(n) lichtert/ gesett wae(re)n gelijc de vors(creven) jan vand(er) maeldonc dat voe(r) de stat va(n)/ loeven opdede Daer op de voirs(creven) jan wellens hem v(er)antwerde en(de) seyde/ dat de bacmeest(er) des godshuys van tong(er)loe tussche(n) de vors(creven) p(ar)tijen voe(r)/ een seggen geseeght hadde datme(n) alle de goede die jan wilboerts/ noch sculdich was half en(de) half deyle(n) soude en(de) dat tgheen des de vors(creven)/ p(ar)tijen voe(r) ewech hadde(n) dat soude ewech blive(n) en(de) daer mede soude(n) sij/ goede gevriende zijn Daer af de vors(creven) jan vand(er) maeldonc de (contra)rie/ meyndde en(de) dat sijs in segge(n) niet bleven en wae(re)n op dwelc/ de scepen(en) van tong(er)loe daer voe(r) dat v(er)bonden soude zijn tot loeven/ ingescreven worden op cost des ghenen die int ontrecht vonden/ soude w(er)den De welke openbaerlic droeghe(n) dat de vors(creven) p(ar)tijen/ des inden vors(creven) bacmeest(er) bleven wae(re)n en(de) dat hi seyde voe(r) een segge(n)/ voe(r) hen als voe(r) scepen(en) van tong(er)lo dat alle tgheen dat ewech wae(r)/ so wie dat hadde ewech bliven soude en(de) des daer noch aen janne/ wilboerts te heffen wae(r) dat si dat half en(de) half hebbe(n) en(de) deyle(n)/ souden en(de) dat de vors(creven) p(ar)tijen voertaen goede gevriende sijn soude(n)/ Heeft de raet vand(er) stat va(n) loeven get(er)mineert dat de p(ar)tijen/ houde(n) sele(n) alsulke(n) segghe(n) als de bacmeester van tong(er)lo geseeght/ heeft en(de) dat de vors(creven) jan vand(er) maeldonc d(er) p(ar)tijen cost na den/ aen nemen voe(r)s(creven) gelden en(de) betale(n) sal cor(am) kersmake(re) voshem et/ o(mn)ib(us) aliis de consilio junii xx