It(em) want jan adaems die men heet de clieve(re) opte(n)/ dach van huden come(n) is voe(r) den raet d(er) stat van loeven/ beghe(re)nde en(de) versuekende dat hi jouff(rouwe) yden borts sijn/ wijff die van hem sat bi hem hebben mochte hi woude/ hoe(r) doen alle dat een goet man sine(n) wive sculdich wae(r)/ te doen p(rese)nte(re)nde mede dat hi hoe(r) niet v(er)erpe(n)? en/ woude daer toe hi hem met alle wege(n) d(aer) toe dienen(de)/ woude verbijnden en(de) v(er)oblige(re)n en(de) de raet vand(er)/ stat daer na der vors(creven) jouff(rouwe) voe(r) hen ontboede hoe(r)/ tghene des vors(creven) is seggende en(de) biddende dat si hoe(r)/ daer toe vuege(n) en(de) stellen woude die dat [te] mael/ refuceerde en(de) vand(er) hant sloegh Daer om eest/ dat de raet vand(er) stat get(er)mineert heeft voe(r)/ reden(en) en(de) recht [hem orlovende] dat de vors(creven) jan adaems sijn recht/ het si int geestlic off int wereltlic jege(n) der/ vors(creven) g(er)den jouff(rouwe) yden sine(n) wive en(de) op hoe(r) goede v(er)volge(n)/ sal moege(n) cor(am) k(er)smake(re) voshem burg(imagistris) in pleno/ consilio febr(uarii) p(ri)ma a(n)no xxxv[o]