Cond sij allen lieden dat jan mareton va(n) geldenaken es/ comen in jegenwordicheyt d(er) scepene(n) va(n) loeven en(de) heeft/ genome(n) en(de) bekendt dat hi genome(n) heeft vanden eerw(er)/ dige(n) he(re)n deken en(de) cap(it)le d(er) kerken van sente pauwels/ te ludick de thiende mette(n) capuyne(n) en(de) tsijse d(er) selver/ he(re)n gelijc si die tot geldenake(n) en(de) d(aer) omtrent houdende zijn/ te houden en(de) te hebben van sent jans misse bap(tis)[te(n)] naest/ voerleden ene(n) t(er)mijn van drie jae(re)n lanc deen na dand(er)/ daer na sond(er) myddel volgende Elx jaers daer en om/ bynne(n) om sessen(de)tneghentich mudde spelte(n) goede en(de) payabel/ gelijc vander thiende(n) jaerlex come(n) sal d(er) maten van [de(n)] granyer/ der vors(creven) kerken twintich ponden was drie pont/ pepers tsestich pont amandelen en(de) tsestich capuynen/ alle jae(re) de(n) vors(creven) t(er)mijn duerende den vors(creven) he(re)n deken/ en(de) cap(it)le te betale(n) ten t(er)mijne(n) hier na bescreve(n) te wete(n)/ de voirs(creven) twintich pont was en(de) drie pont pep(er)s tsente/ remeys misse en(de) een derdel vander vors(creven) spelten tot alre/ heiligen misse en(de) de voirs(creven) capuyne bynne(n) den vier kersdage(n)/ en(de) dand(er) derdel vande(n) spelte(n) vors(creven) tons(er) vrouwe(n) lichtmisse/ en(de) de voirs(creven) amandelen te groet vastelavont en(de) dleste/ derdel vandern voirs(creven) spelten opte(n) sondach alsmen singen sal/ ind(er) heylig(er) kerken leta(r)e jh(e)r(usa)l(e)m en(de) tot ludick inden granyer/ en(de) rekenye ald(aer) na gewoente en(de) usage der secundarie kerke(n)/ va(n) ludick te leve(re)n en(de) telken t(er)mijn alse v(er)volghde/ schout It(em) sal den vors(creven) jan mareton op dyerste
//
jae(re) vande(n) vors(reven) t(er)mijn den vors(creven) he(re)n deken(en) en(de) cap(it)le geven/ en(de) betale(n) tsente mertens misse een ame landwijns of daer/

om de w(er)de d(aer) voe(r) En(de) hier af sijn burghen des vors(creven) jans/ mareton sijn oem en(de) laureys sone dyonijs beckers van geldenake(n)/ de welke de vors(creven) jan mareton hier af geloeft heeft scadeloes/ te houde(n) en(de) tontheffen calstr(is) naen junii xxviii
//