Van janne baers van bruessel/ Want stoet en(de) geschille opverstaen wae(re)n tusschen meest(ere)n aerde/ vander lynden priester ende janne baers die sijnre natuerlek(er) dochter/ heeft om alsulke(n) geloften als sij deen den ande(re)n voirmaels toegeseeght/ en(de) gelooft hadden dair aff de voirs(creven) jan baers te veel stonde(n) der stat/ van loven(en) groet en(de) me(n)nichfuldich vervolgh gedaen heeft in welke(n)/ vervolghe de voirs(creven) meester aert altijt in sijn verantwerde(n) dede rue(re)n/ en(de) segghen dat de voirs(creven) jan baers hem van sine(n) goede(n) te bruessel niet/ voldaen en hadde gelijc als hij dat inder huwelek(er) vorw(er)de(n) gelooft/ hadde also dat doen den voirs(creven) janne baers bevolen wairt bij den bor/ germeest(er) van loven(en) dat hij trecke(n) soude te bruessel en(de) de(n) voirs(creven)/ meest(ere)n aerde tot sijnre docht(er) behoef aldair behoirleke vesticheit/ doen gelijc hij dat gedaen heeft alsoeme(n) dair aff clair ke(n)nisse/ heeft vander stat van brussel Ende hoewael dit aldus volschiet/ sijnde soe en heeft n hem nochta(n) de voirs(creven) meester aert tot noch/ toe tot gheenre redelicheit willen vuegen noch gheve(n) den voirs(creven)/ ja(n)ne baers ene(n) sterck dat vervolgende Dair om eest dat de raet/ vander stat yerst aengehoirt beyde der p(ar)tien besceit met goede(n) rype(n)/ raide en(de) delibe(r)atien getermineert heeft voir recht en(de) besceit datmen/ den voirs(creven) janne baers ov(er)gheve(n) en(de) telivere(re)n sall alsulken scepene(n)/ brieve van loven(en) als noch ligge(n) onder de clercke om hem dair mede/ te behelpen en(de) tsijn te gecrigen da ende dat de selve meest(er) aert/ den voirs(creven) janne baers voirt van sijnre huwelek(er) vorwarde(n) voirt vesticheit/ en(de) genoegh doen sal Ende oft de voirs(creven) meest(er) aert des also niet en dede/ Soe es voirt verdragen en(de) gesloten bijde(n) raide vande(r) stat also vo(r)e datme(n)/ den selven meest(ere)n aerde metden rechte vander stat het sij met scepen(en)
//
brieve(n) van loven(en) oft anders in toecome(n)den tijden gheen behulp ne/ gheensins behulpen sal noch hem late(n) behelpen tot aen d(er)re tijt/ dat hij den voirs(creven) janne baers volcomelic voldaen sal hebben cor(am) d(omi)no/ ludovico pynnoc milite (et) henrico wante burgim(a)g(ist)ris (et) q(uam)plu(r)ib(us)/ aliis in pleno co(n)silio Anno xiiii[c] xxxvi xiiii dage in dece(m)br(is)