It(em) want henric van goetsenhoven ty(m)m(er)man v(er)dingt heeft/ jege(n) de kercmeesters vand(er) kerke(n) van sente mychiels tot/ loeve(n) te make(n) te leve(re)n en(de) te ty(m)meren va(n) sijns selfs hout/ de cappe met hae(r) toebehoirte(n) va(n) alsulk(er) nuw(er) ty(m)meringe(n)/ als aende voirs(creven) kerk va(n) s(en)te mychiels nu t(er)tijt gemaect ge/ metst en(de) beg(ri)pen is Dai gelijc de cyrographen die si d(aer)/ af in beyden side(n) tot hen w(er)t hebbe(n) claerlik(er) inhoude(n) en(de)/ beg(ri)pen Daer om eest dat de vors(creven) henric va(n) goetse(n)hove(n) comen is/ in jegenwordicheyt d(er) scepen(en) va(n) loeven en(de) heeft geloeft openbairlic/ dat hi tvors(creven) werck wel en(de) loflic en(de) cusbaerlic make(n) [richten] en(de) voldoen/ sal van nu sent jans misse naest comende ov(er) een jaer d(aer) naist/ volgende ter goed(er) mey(n)ingen en(de) sond(er) argelist Hier af sijn borge(n)/ des vors(creven) henr(ix) alse p(ri)n(cipa)[le] sculde(re)n ongesundert en(de) ongescheide(n)/ jan [gielijs] zoete(n) dieme(n) heet zoete(n) en(de) henric lovene(re) beyde ty(m)m(er)ma(n)/ quos indempnab(i)t roelofs borch(oven) febr(uarii) xi