Van jannes van den hove It(em) et sijn comen in rechte voe(r) meye(r) en(de) scepen(en) van loeven inde banck/ aldaer jannes vanden hove die ov(er)mids macht van beleyde van scepen(en)/ brieve(n) van loeven gegoedt en(de) gheerft is in sessendertich feertele(n) rogs/ der maten van mechelen erflex pachts op alle de goede jans eebens van/ berlaer gelege(n) te berlaer te beverle en(de) elswaer so waer des vors(creven) jans/ eebens goede gelege(n) zijn in deen side En(de) de vors(creven) jan eebens en(de) arnt eebens/ die ov(er)mids macht van beleyde van scepen(en) brieve(n) van loeven come(n) en(de) ge/ leydt sijn tot den goeden jans eebens des jongen sone des vors(creven) jan eebens/ dien de voirs(creven) xxxvi feertele(n) rogs erflex pachts toe tebehore(n) plage(n)/ in dande(re) Daer de vors(creven) jan eebens en(de) arnt eebens deden lesen enen/ beleydtbrief daer mede sij geleydt wae(re)n tot de(n) goeden des vors(creven) jans/ eebens des jonghen die ouder was van daten dan den beleydtbrief/ daer uut de vors(creven) jannes vande(n) hove gegoedt was inde vors(creven) xxxvi/ feertele(n) rogs erflex pachts v(er)suekende datme(n) he(m) vanden vors(creven) erfpacht/ houden woude in hae(re)n beleyde Also dat doen de voirs(creven) jannes/ vanden hove een aensprake dede tot den vors(creven) janne eebens en(de) arnde/ eebens Seggende dat hem en(de) sijnre goedinghen den vors(creven) erfpacht/ volgen sal en(de) bi des(en) redenen want de voirs(creven) jan eebens en(de) katline(n)/ sijn wijf den voirs(creven) janne eebens hae(re)n sone met sinen wive de(n) vors(creven)/ erfpacht in huweliker vorwerden gegeve(n) hadde(n) dwelc hi boet te/ thoene(n) en(de) mette(n) minsten It(em) dede noch seggen de voirs(creven) jannes/ vande(n) hove dat hi vanden vors(creven) erfpachte de jaergebode hadde doen/ doen na den rechte d(er) stat van loeven daer af djaer ov(er)leden is/ sonder die gecalengeert te zijn Dwelc hi oec boet te thoenen en(de)/ met meer redene(n) thoe(n)nissen en(de) alligacien die de selve jannes vande(n)/ hove in sijnre aensprake(n) dede segghen en(de) bileggen Seggende de/ selve jannes vande(n) hove so waer hi dit gethoene(n) conste dat hem/ dan en(de) sijnre goedingen den vors(creven) erfpacht volgen sal Daerop/ de vors(creven) jan eebens en(de) arnt eebens dede(n) seggen dat hen en(de) hae(re)n/ beleyde de(n) vors(creven) erfpacht volghen soude en(de) dat bi vele redenen/ en(de) sund(er)linghe want hae(r) beleydt brieffe vele oud(er) va(n) date(n) was
//
dan den beleydtbrief daer uut de voirs(creven) jannes vanden hove gegoedt/ was en(de) dat de voirs(creven) jan eebens de jonghe des erfspachts wael/ mechtich was doen si tot sinen goeden geleydt wae(re)n en(de) dat jan eebe(ns)/ djaergebot dat jan eebens sijn sone vande(n) vors(creven) erfpacht hadde doen doen/ in tijts gecalengeert hadde met vele meer redene(n) worde(n) thoe(n)nisse ende/ allegacien die si daer toe dede(n) seggen bilegghen Op dwelc de p(ar)tijen/ gewijst zijn tot hae(re)n thoe(n)nisse ten daghe hen daer toe geset thoende/ de voirs(creven) jannes met goeden ma(n)nen dat si daer bi en(de) aen hadde(n) ge/ weest daer de voirs(creven) jan eebens de vader en(de) kath(el)ine sijn wijf/ den voirs(creven) erfpacht janne eebens hae(re)n sone met sinen wive in huwelik(er)/ vorw(er)den op alle hae(re) goede geven gelijc voirscr(even) is Voert thoende hi noch/ metten register d(er) scepen(en) clerck van loeven dat hi de jaergebode/ vande(n) vors(creven) erfpacht hadde doen doen daer af djaer ov(er)leden was Noch/ thoende hi dat jan eebens de jonghe voirs(creven) en(de) lijsbeth vande(n) ertborne/ sijn wijf vanden vors(creven) erfpacht en(de) van allen hae(re)n ande(re)n goeden/ altijt in vredeliker possessien wae(re)n geweest en(de) noch opten dach van/ heden wae(re)n also v(er)re si d(er)re niet en hadde(n) gederft noch vercocht/ met alrehande meer thoe(n)nisse dat hi daer toe dede/ Item thoende(n) de vors(creven) jan eebens de vad(er) en(de) arnt eebens dat jan eebens/ de sone vande(n) voirs(creven) erfpacht wael mechtich was doen si geleidt wae(re)n/ in welke(n) beleydtbrieve die(n) si dede(n) lesen men oec bevant dat hi ouder/ was van daten dan den beleydtbrief was daer uut de vors(creven) jannes/ vanden hove sine goedinghe ontfaen hadde met alrehande ande(re)/ thoe(n)nissen die sij daer toe deden Dese thoe(n)nisse(n) aldus geschiet/ zijnde maende de meye(r) van loeven de scepene(n) van loeven die/ wijsden voe(r) een vonnisse Na aensprake na v(er)antwerden en(de)/ na thoe(n)nisse dat want de scepen(en) van loeven v(er)stonden en(de)/ oec int register hoerden dat jannes vanden hove de jaergebode/ vanden voirs(creven) erfpacht hadde doen doen die niet gecalengeert/ en wae(re)n dat hem en(de) sijnre goedinghen de(n) selven erfpacht volge(n)/ sal Ende want jannes voirs(creven) rekeninghe gepresenteert hadde/doen [te] doen dat hi die doen soude op dat jan eebens en(de) arnt/ eebens des begheerden Cor(am) nycholao kersmake(re) godefrido roelofs/ stephano smacht henrico de borchoven waltero capelleman joh(ann)e/ de ov(er)wynghe iuniore et waltero smet scabinis lovan(iensibus)/ aug(usti) xxiii anno m[mo] cccc[mo] xxxvi[to]