Item van alsulker cost als gedaen es inde vroente te vorst bij henricken/ van woutswinkele voe(r) en(de) na bij laureyse daems sijnen borge daer af/ jan wellens de voirste(r) aldair vervolgh gedaen heeft op den meye(r) van/ meerhout na dat hij buyten den lantrechte van brabant alreh den voirs(creven)/ henricken uut der vroenten gelaten en(de) in een ande(re) banck gevuert hadde/ heeft de raet vander stat get(er)mineert voir recht dat de voirs(creven) meye(r) van/ meerhout den voirs(creven) vorste(r) den cost van voe(r) en(de) van nae opleggen/ en(de) betalen sal cor(am) pynnoc wante burgim(a)g(ist)ris (et) q(uam) plurib(us) aliis/ de consilio aug(usti) xxix anno xxxvi