SAL7730, Act: V°381.4-R°382.1 (371 of 428)
Search Act
previous | next
Act V°381.4-R°382.1  
Act
Date: 1437-05-14

Transcription

2021-01-19 by Yves Sergeant
Van gielise vand(er) heiden/
Item tvonnisse es tusschen den voirs(creven) gielise vand(er) heiden die/
geleidt es tot den goeden beruerlic en(de) omberuerlic henrix/
van marslaer diemen heet de vos sijns zweers natuerlic soen/
gielijs wilen van marslaer van steenhuffle in deen zijde en(de)/
daneele van horenbeke en(de) janne vander eyken in dande(re) van/
enen huyse en(de) hove met sijnen toebehoirten gelegen te steen/
huffle tuschen de goede des voirs(creven) daneels van horenbeke/
in deen zijde en(de) de strate ald(aer) It(em) van eenre hofstat gele/
ghen ald(aer) tuschen de goede peters vand(er) smissen ende jans/
vand(er) sleeghen welke goede de voirs(creven) daneel en(de) jan es/
na
aenspraken meynende dat sij dat [die] voermaels gecocht/
hadden tegen de voerkijnde(re) den voirs(creven) gielijs [henrix] van marslaer/
dwelc sij boden te thoene(n) Ten daghe van thoenisse/

//
en brachten de voirs(creven) daneel en(de) jan hoe(re) getuyghen niet (et)c(etera)/
Es so wae(r) de selve daneel en(de) jan niet en thoenden ten opstaen/
vanden meye(r) en(de) scepen(en) datmen dan den voirs(creven) gielise vander/
heyden houden sall vanden voirs(creven) goeden in sijnen beleide also/
verre alst noch voe(r) scepen(en) van loeven(e) comen es coram omnib(us)/
scabinis maii xiiii
ContributorsWalter Winnelinckx
Moderated byWalter Winnelinckx
Last update: 2016-02-04 by xavier delacourt