Item cond sij allen lieden dat willem vande(n) hove te p(er)re/ heeft gehuert en(de) bekent dat hij gehuert heeft tege(n) janne/ uuter helcht dieme(n) heet vanden elsbroeke een eeussel gelege(n)/ te p(er)re aen de brugghe tusschen de lake en(de) strate aldair/ Te houden en(de) te hebben van halfm(er)te lestleden ene(n) t(er)mijn van iiii/ jae(re)n langc deen na dand(er) dair nae sonder middel volgende/ elx jairs dae(re)n bynne(n) om neghen en(de) een halve gul(den) pe(n)ninge/ geheten crone(n) der mu(n)te(n) sconinx van vrancr(ijc) goet van goude en(de)/ swair van gewichte te sente m(er)tens misse inde(n) wynte(r) te betale(n)/en(de) te [alle jae(re)] den voirs(creven) t(er)mijn due(re)nde en(de) telken t(er)mine als v(er)volghde/ schout Ende es vorw(er)de dat de voirs(creven) wille(m) tvoirs(creven) eeussel int leste/ jair vande(n) voirs(creven) t(er)mine sal moeten etten Ende des es borge/ des voirs(creven) willems als p(ri)n(cipa)[lis] gheert vanden eynde van werchte(r)/ p(ri)mus/
//