Cond sij allen lieden dat gord vand(er) varent dieme(n) heet van vyleer es come(n) in/ jegewoirdicheide(n) der scepen(en) van loven(en) ende heeft gegeve(n) en(de) bekent dat hij/ gegheve(n) heeft henricke(n) merzuete(n) van opvelpe thoff des voirs(creven) goerds/ met den wynne(n)den landen bog(ar)de(n) huysen hove(n) bog(ar)den eeussele(n) met/allen omtrent xii boende(re)n lands tot den voirs(creven) hove horende en(de) met/ allen ande(re)n sine(n) toebehoirte(n) gelege(n) te nodenbeke gelijc de voirs(creven) gord de/ voirs(creven) goede aldair houdende is uutgenome(n) een willige(n) bloexke(n) geleg/ Te houden te hebbe(n) en(de) te wynne(n) van halfmerte naestcome(n)de enen/ t(er)mijn van neghen jae(re)n langc deen nae dander dair nae sond(er) middel/ volgende Elx jairs dae(re)n bynne(n) voir th acht mudde harts co(r)ens/ goet en(de) payabel met wa(n)ne en(de) met veede(re)n wel bereit alsulx co(r)ens/ als opt vo? gemeinlic te noodenbeke wassende is en(de) twee mudden/ tarwen oec goet en(de) payabel beyde mate van loven(en) te sente andries/ misse apostels te betalen en(de) te beeveke(m) tot des voirs(creven) gords huys te leve(re)n/ alle jae(re) den voirg(eruerde) t(er)mijn due(re)nde en(de) telke(n) t(er)mine als v(er)volghde schout/ It(em) wairt also dat de voirs(creven) gord bynne(n) den voirs(creven) t(er)mine quame te/ loven(en) wone(n)de Soe es vorw(er)de dat voirs(creven) wynne alsdan den voirs(creven) pacht/ half te loven(en) op sine(n) cost leve(re)n sall It(em) sal de voirs(creven) gord hebben/ en(de) behouden half den voirs(creven) t(er)mijn due(re)nde den loeck wassende op/ een bloxke(n) gelegen neve(n) de goede aerts van grave(n) It(em) sal de voirs(creven)/ wynne de voirs(creven) lande late(n) ten eynde vande(n) voirs(creven) t(er)mine gelijc hij die/ vijnt tsine(n) aencome(n) Dats te wete(n) xi dachmael [vande(n) voirs(creven) lande] met wijnter corne/ besaeit wel en(de) lofflic It(em) sestalf dach(mael) met tarwe(n) en(de) half/ tarwe en(de) half rogge It(em) es vorw(er)de dat de voirs(creven) wynne ten leste(n)/ jae(r) vande(n) voirs(creven) t(er)mine alst tvoirs(creven) lant bereet es om te saeyen
//
den voirs(creven) goerde dat sal late(n) wete(n) om ene(n) saeye(r) aldair te seinde(n) oft/ selve tvoirs(creven) lant te besaeyen op dat hij wilt Dair toe dat de/ voirs(creven) wynne den saet leve(re)n sal It(em) es vorw(er)de soe wa(n)neer de voirs(creven)/ wynne den cleynsten aert vande(n) voirs(creven) lande besaeyen sal dat dan/ de voirs(creven) wynne den v goerd den voirs(creven) wynne borge(n) sal twee mudde/ co(r)ens vande(n) ene(n) sente andries misse tot den ande(re)n It(em) sal de voirs(creven)/ wynne jairlix den voirs(creven) t(er)mijn due(re)nde leve(re)n i(½)[c] walme(re) om de huy/ singe aldair mede te decke(n) en(de) alsmen die verdect soe sal de wynne de/ wercliede vuede(n) en(de) gord sal de dachue(re)n betale(n) It(em) sal de voirs(creven) wynne/ de huyse vande(n) voirs(creven) hove houden wel en(de) loflic den voirs(creven) t(er)mijn due(re)nde/ van wande [vander onderster rikelen nederwaert] It(em) sal de voirs(creven) wynne de eeussele en(de) den bogart late(n)/ te asine(n) afsceide(n) wel en(de) loflic bevreet en(de) betuynt gelijc hij dat/ vijnt tsine(n) aencome(n) It(em) wairt sal de voirs(creven) gord den voirs(creven) wynne leenen/ ii mudde evene(n) ten yngaen vande(n) voirs(creven) t(er)mine de welke de voirs(creven) wynne/ hem tsine(n) afsceide(n) weder gheve(n) sal It(em) selen de voirs(creven) gord en(de) de wynne/ copen same(n)tlic de yerste drie jae(re) vande(n) voirs(creven) t(er)mine alle jae(re) ii[c] schoeve/ stroes en(de) i? die int voirs(creven) goet lat brenge(n) om de goede dair mede te bete(re)n/ It(em) sal de voirs(creven) de gord allet mest vande(n) voirs(creven) goede(n) jairlix come(n)de/ vue(re)n op te voirs(creven) lande te slands meesten profite welke vorw(er)den/ geloften en(de) condicien bove(n) bescreve(n) de voirs(creven) gord in deen zijde en(de)/ de voirs(creven) wynne in dande(re) malc ande(re)n geloeft hebbe(n) vast en(de)/ gesteedich te houden en(de) te voldoen talle(n) tijden als sij vallen en(de)/ verscine(n) selen ende telken t(er)mine als vervolghde schout smacht ov(er)wynge/ iunior dec(embris) p(ri)ma