Van h(e)r(e)n henr(ic) doelsleg(ere)/ Vanden gedinge dat geweest is inde banc voir meye(r) en(de) scepen(en)/ van loven(e) tusscen he(re)n henricke(n) doelslege(re) prieste(r) die ov(er)mids vo(n)nisse/ van scepen(en) brieve(n) van loven(e) beleit es tot den goede(n) h(e)r(e)n henrix/ wilen van hug(ar)den priest(er)s in deen zijde en(de) ja(n)ne drabbe die oec/ beleit es tot den goeden symoens drabben sijns soens die de docht(er)/ heeft des voirs(creven) wile(n) h(ere)n henrix van hug(ar)den in dande(re) Alse vande(n)/ haefleken goeden die bleve(n) sijn nae de doet des voirs(creven) wilen h(ere)n/ henrix van hug(ar)den in w dair af de voirs(creven) h(er) henr(ic) versochte datme(n)/ in sine(n) beleide houden soude Dair op de voirs(creven) jan drabbe dede segge(n)/ dat hem [den voirs(creven) symoen] de voirs(creven) goede in huwelek(er) vorwarde(n) gegeve(n) wae(re)n bijden/ leve(n)den live des voirs(creven) h(e)r(e)n henrix met sijnre natuerlik(er) docht(er) dwelc
//
hij boet te bethoene(n) in welken thoenisse de voirs(creven) jan drabbe/ thoende met goeden ma(n)nen dat de voirs(creven) wilen h(er) henr(ic) bij sine(n)/ leve(n)den live den voirs(creven) symoen geloefde en(de) gaf in huwelek(er) vor/ warden [onder den ande(re)n] ii bedden elc met sine(n) decsele en(de) elc met ii paer slape/ laken It(em) xii cussene en(de) dat den huwelic d(aer) op toeginc voirt/ thoende de voirs(creven) jan met ii goede(n) ma(n)nen dat de voirs(creven) wile(n) h(er) henr(ic)/ den voirs(creven) symoen op sine(n) brudegom stoel gaf mett met sijns selfs/ hant ene(n) silve(re)n croes met vergulden(en) voeten Eest vonnisse dat/ den voirs(creven) ja(n)ne en(de) sine(n) beleide volgen selen de voirs(creven) haefleke goede/ gelijc de wairheit gedrage(n) heeft dat hem den voirs(creven) symoen geg(even)/wae(re)n ende dat de selve jan en(de) symoen sijn soen alle dande(r) haef/ leke goede die bleve(n) brengen selen te hoe(re)n eede ten sterfhuyse dat/sijter en(de) hoe(re)n eedt doen dat sijter niet meer en hebben noch en/ weten noch in hoe(re)n profite come(n) en es kersmak(ere) roelofs smacht/ smet junii viii